រឿងអាស្រូវស្នេហារំជើបរំជួលខ្លាំងក្នុងប្រវត្តិសាស្ត្រប្រធានាធិបតីអាមេរិក
- 2018-01-14 03:55:17
- ចំនួនមតិ 0 | ចំនួនចែករំលែក 0
រឿងអាស្រូវស្នេហារំជើបរំជួលខ្លាំងក្នុងប្រវត្តិសាស្ត្រប្រធានាធិបតីអាមេរិក
ចន្លោះមិនឃើញ
រឿងអាស្រូវស្នេហានៅសេតវិមានរបស់សហរដ្ឋអាមេរិកត្រូវបានគេចាប់អារម្មណ៍ខ្លាំងដោយសារពាក់ព័ន្ធនឹងប្រធានាធិបតី។ វាមានច្រើនណាស់ដែលបានកើតឡើងក្នុងប្រវត្តិសាស្ត្រប្រធានាធិបតីអាមេរិក ប៉ុន្តែពេលនេះលើកបង្ហាញអាស្រូវស្នេហា១០ដែលល្បីខ្ទរខ្ទារខ្លាំង ក្នុងនោះអតីតប្រធានាធិបតី John F. Kennedy មានរឿងច្រើនជាងគេ។
១០- អតីតលោកប្រធានាធិបតី John F. Kennedy និងនាង Marilyn Monroe
តារាភាពយន្តស្រី Marilyne Monroe ស្រស់ស្អាត លេចធ្លោខ្លាំងតាមរយៈខ្សែប្រភាពយន្តជាច្រើនរឿងដែលនាងសម្តែង។ នាងត្រូវបានគេចាប់អារម្មណ៍ខ្លាំងនៅពេលនាងលួចបង្កាត់ភ្លើងស្នេហ៍នឹងលោក John F. Kennedy។ អ្នកទាំងពីរបាននៅជាមួយគ្នានៅ Bing Crosby នារដូវក្តៅ និងបង្កព្យុះភ្លៀងខ្លាំង។
៩- អតីតប្រធានាធិបតី Bill Clinton និងនាង Paula Jones
នៅឆ្នាំ១៩៩១ លោក Bill Clinton ត្រូវបានគេគិតថាបាននៅជាមួយនាង Paula Jones ក្នុងបន្ទប់ផ្ទះមួយ Arkansas។ នាង Jones បានជួប Clinton ដើម្បីពិភាក្សាគ្នាអំពីកិច្ចការទាមទាររបស់គាត់មួយ ប៉ុន្តែនៅពេលនោះលោក Clinton បានឈ្លក់រង្វែងនឹងសម្រស់របស់នាង ហើយក៏កាន់តែមានរឿងធ្ងន់ធ្ងរ។ នាងបានដាក់ពាក្យប្តឹងលោក Clinton ពីបទបៀតបៀនកេរ្តិ៍ខ្មាស។
៨- អតីតប្រធានាធិបតី John F. Kennedy និងនាង Judith Campbell Exner
លោក Kennedy ល្បីខ្លាំងណាស់រឿងពាក់ព័ន្ធនឹងតារាស្រីហូលីវូដ។ ជាក់ស្តែងលោកបានបានបង្កាត់ភ្លើងស្នេហ៍ជាមួយនាង Judith ដែលធ្វើឲ្យកក្រើកពិភពសារព័ត៌មានអាមេរិក។ តែលទ្ធផលឈឺចាប់ទាំងអស់គ្នារហូតនាង Exner បើកកកាយដាក់កាសែតគ្មានសល់។
៧- អតីតប្រធានាធិបតី Bill Clinton និងនាង Gennifer Flowers
នាង Gennifer Flowers ជាតារាសម្តែង និងម៉ូដែលដែលបានជាប់ពាក់ព័ន្ធជោកជាំរឿងស្នេហាជាមួយលោក Bill Clinton តាំងពីមុនលោកចូលកាន់តំណែងប្រធានាធិបតីអាមេរិក។ នាងបានទំនាក់ទំនងជាមួយលោក Clinton ពេលនាងល្បីខ្លាំង។ ក្រោយមក នៅតុលាការនាងបាននិយាយថា ស្នេហានាងនិង Clinton បានចប់យូរហើយ តែគេល្បីថា លោក Bill នៅទាក់ទងនាងរហូតដល់ចុងឆ្នាំ២០០៥។
៦- អតីតប្រធានាធិបតី Bill Clinton និងនាង Elizabeth Gracen
មុនពេលនាងលេចមុខក្នុងខ្សែភាពយន្ត នាង Gracen ជាតារាម៉ូដែលវ័យក្មេងដ៏ស្រស់សោភា បន្ទាប់ពីនាងឈ្នះតំណែងបវរកញ្ញា Arkansas ឆ្នាំ១៩៨១។ នាងចូលរួមប្រកួតបវរកញ្ញាអាមេរិកដែលមានលោក Bill Clinton ចូលរួម។ ពីពេលនោះមក អ្នកទាំងពីរបានទាក់ទងគ្នារហូតនាងក្លាយជាតារាសម្តឬង។
៥- អតីតប្រធានាធិបតី Bill Clinton និងនាង Monica Lewinsky
ពេលទំនាក់ទំនងគ្នា នាង Monica ជាតារាជំនួយការលោកប្រធានាធិបតីដែលនាងទើបអាយុ២១ឆ្នាំ។ ដំបូងឡើយ Clinton បានបដិសេធការទំនាក់ទំនងស្នេហា ប៉ុន្តែក្រោយមកកាន់តែបែកធ្លាយរហូតមានការសើបអង្កេតទៀត។
៤- អតីតប្រធានាធិបតី George H. W. Bush និង Jennifer Fitzgerald
លោក Bush ត្រូវបានគេដឹងថា មានទំនាក់ទំនងស្នេហាស៊ីជម្រៅនៅក្នុងមន្ទីរបញ្ចកោណជាមួយនឹងអនុប្រធានពិធីការរបស់លោក។ ទោះជាយ៉ាងណារឿងរ៉ាវស្នេហានេះមិនសូវល្បីខ្ទរខ្ទារខ្លាំងទេ។
៣- អតីតប្រធានាធិបតី John F. Kennedy និងនាង Mimi Alford
លោក John F. Kennedy ត្រូវបានគេរាយការណ៍ថាមានទំនាក់ទំនងស្នេហាជាមួយមន្ត្រីហាត់ការអាយុ១៩ឆ្នាំនាង Mimi Alford នៅពេលលោកចូលកាន់តំណែងលើកដំបូង។ ស្នេហារបស់អ្នកទាំងអស់បានអូសបន្លាយ១៨ខែទើបបានចប់។ ស្នេហានេះបង្កើតរឿងរ៉ាវអាស្រូវជាច្រើនដែរ។
២- អតីតប្រធានាធិបតី John. F. Kennedy និងនាង Angie Dickinson
លោក John F. Kennedy ពិតជាល្បីមែនរឿងស្នេហាជាមួយតារាសម្តែង។ នាង Angie Dicknson ក៏ជាប់ក្នុងអន្ទាក់ស្នេហ៍របស់លោកម្នាក់ដែរ។ ស្នេហារបស់អ្នកទាំងពីរក៏កើតឡើងនៅពេលលោកកាន់តំណែងនេះដែរ។ យ៉ាងណា ស្នេហានេះមិនសូវល្បីខ្ទះខ្ទារឡើយ។
១-អតីតប្រធានាធិបតី Lyndon B. Johnson និងនាង Helen G. Douglas
លោក Johnson ត្រូវបានគេល្បីថា ពូកែទាក់ស្រីខ្លាំងណាស់មុនពេលដែលលោកក្លាយជាប្រធានាធិបតីទៀត។ ស្នេហាដែលគេចាប់អារម្មណ៍ខ្លាំងរបស់លោកគឺជាមួយនាង Helen G. Douglas ដែលបានលួចលាក់ប្រពន្ធអស់រយៈពេលជាច្រើនឆ្នាំ ហើយនាង Helen ក៏សមាជិកព្រឹទ្ធសភាម្នាក់ដែរនៅពេលនោះ៕