អីយ៉ា! Park Seo Joon ឆក់យកបេះដូងនារីៗដល់អេស្ប៉ាញ

2018-01-15 02:17:48
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបរាងដ៏ស្រស់សង្ហារបស់តារាប្រចាំប្រទេសកូរ៉េកំពុងតែមានការពេញនិយមជុំវិញពិភពលោក។ ជាក់ស្ដែង នៅក្នុងវីដេអូផ្សព្វផ្សាយកម្មវិធី Youn’s Kitchen 2 របស់ទូរទស្សន៍ tvN តារាសម្ដែង Park Seo Joon និង Lee Seo Jin បានដើរតួជាបុគ្គលិកបម្រើសេវាកម្មក្នុងភោជនីយដ្ឋានមួយកន្លែងនៅប្រទេសអេស្ប៉ាញ។

នៅពេលដែលគូស្នេហ៍ជនជាតិរុស្សីមួយគូបានអង្គុយចុះដើម្បីកុម្ម៉ង់អាហារនោះ ពួកគេបានចាប់អារម្មណ៍ទៅលើរូបរាងដ៏ស្រស់សង្ហារបស់អ្នកបម្រើ Lee Seo Jin ដែលមិនបានចាប់អារម្មណ៍ថាលោកគឺជាតារាសម្ដែងនោះទេ។

ក្រោយមកអ្នកទេសចរស្រីរូបនោះបានបន្តមើលជុំវិញភោជនីយដ្ឋាន ភ្នែករបស់នាងក៏បានប្រទះនឹងតារាសម្ដែង Park Seo Joon ដែលកំពុងតែបង្ហាញស្នាមញញឹមទៅកាន់អតិថិជនរបស់លោក។

អតិថិជនរបស់កម្មវិធី Youn’s Kitchen 2 បាននិយាយថា៖ "Wow! មើលគាត់ទៅ រូបរាង ទឹកមុខរបស់គាត់ពិតជាល្អឥតខ្ចោះ។ ខ្ញុំគិតថាមនុស្សប្រុសជនជាតិកូរ៉េ ជាទូទៅពិតជាសង្ហាណាស់"។

ជាធម្មតា អ្នកជំនួញដែលមានការវិនិច្ឆ័យខ្ពស់ ពួកគេពិតជាជ្រើសយកបុគ្គលិកណាដែលមានរូបរាង និងមុខមាត់ដូច Park Seo Joon ឲ្យមកធ្វើការក្នុងភោជនីយដ្ឋានរបស់ពួកគេ។ តារាសម្ដែង Park Seo Joonតម្រូវឲ្យនៅឈរនៅពីមុខហាងដើម្បីទាក់ចិត្តអតិថិជនឲ្យចូលមកក្នុងភោជនីយដ្ឋាន។

កម្មវិធី Youn’s Kitchen 2 គឺជាកម្មវិធីទូរទស្សន៍របស់កូរ៉េមួយដែលតារាល្បីៗបម្រើការក្នុងភោជនីយដ្ឋានកូរ៉េនៅប្រទេសផ្សេងៗជុំវិញពិភពលោក ក្នុងគោលបំណងផ្សព្វផ្សាយវប្បធម៌ និងអាហាររបស់ខ្លួនទៅកាន់ជនបរទេស។ ក្នុងរដូវកាលទី១ ពួកគេបានបើកភោជនីយដ្ឋានក្នុងប្រទេសឥណ្ឌូណេស៊ី ប៉ុន្តែក្នុងរដូវកាលទី២នេះ ពួកគេបានបើកនៅទីក្រុង Garachico ប្រទេសអេស្ប៉ាញ៕

ប្រភព៖ Koreaboo ប្រែសម្រួល៖ អន សុភក្ត្រា