ក្មួយស្រី កែវ រំចង់ អត់បានប្រកួតទេ នឹងចាក់ចេញពីកម្ពុជាថ្ងៃនេះហើយ

2018-01-15 06:18:32
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីវ័យក្មេង Samontha Stephenson ដែលជាក្មួយស្រី កែវ រំចង់ អាកខានមិនបានឡើងសង្វៀនប្រកួតតំណាងឲ្យកម្ពុជានោះទេ ហើយនៅព្រឹកថ្ងៃទី១៥ ខែមករា នេះរូបគេនិងឪពុកនឹងចេញទៅប្រទេសថៃហើយ។

Samontha ពេលហាត់នៅ Cambodia Top Team

បើតាមលោក Mattsophi Stephenson ដែលជាឪពុករបស់ Samontha ឲ្យដឹងថា កូនស្រីរបស់លោកមិនបានឡើងសង្វៀននាចុងសប្ដាហ៍នេះទេ គឺដោយសារចាប់គូមិនត្រូវ ហើយនៅថ្ងៃត្រង់នេះនឹងចាកចេញពីប្រទេសកម្ពុជាទៅប្រទេសថៃ។

លោក Mattsophi Stephenson(អាវខ្មៅ) ជាមួយ លោកគ្រូ ហ៊ុន ចាន់រាជ

បុរសដែលមានភរិយាជាជនជាតិខ្មែរខាងលើបន្តថា Samontha ពិតជាចង់ប្រកួតតំណាងឲ្យកម្ពុជា តំណាងគុនខ្មែរប៉ះជាមួយបរទេសខ្លាំងណាស់ តែវាគួរឲ្យសោកស្ដាយដោយសារចាប់គូមិនបាន។ កូនស្រីរបស់លោកក៏មិនសប្បាយចិត្តនោះឡើយ ព្រោះមិនបានសម្រេចគោលបំណងធំដែលប៉ងតាំងពីសហរដ្ឋអាមេរិកមកម្ល៉េះ។

Samontha ពេលហាត់ជាមួយ សេន ប៊ុនថេន

Samontha Stephenson ជាក្មួយស្រីរបស់អ្នកលេងគុនខ្មែរ កែវ រំចង់ បច្ចុប្បន្នរស់នៅឯសហរដ្ឋអាមេរិក ហើយក៏ជាអ្នកប្រដាល់ម្នាក់នៅទីនោះផងដែរ។ កីឡាការិនីរូបនេះរួមនិងឪពុកបានមកដល់កម្ពុជាតាំងពីថ្ងៃទី៦ ខែមករា មកម្ល៉េះ និងបានហ្វឹកហាត់មួយរយៈពេលកន្លងទៅនេះដែរជាមួយ កែវ រំចង់ នៅក្លឹបប្រដាល់ក្រសួងការពារជាតិ នៅក្លឹប Cambodia Top Team នៅឯបាត់ដំបងផងដែរ៕

អត្ថបទ៖ នួន ស៊ីណា