រឿងអាស្រូវផលិតផលម្សៅទឹកដោះកូនក្មេងរបស់បារាំង ផ្ទុកបាក់តេរី Salmonella ប៉ះពាល់ប្រទេសចំនួន ៨៣
- 2018-01-15 09:13:54
- ចំនួនមតិ 0 | ចំនួនចែករំលែក 0
រឿងអាស្រូវផលិតផលម្សៅទឹកដោះកូនក្មេងរបស់បារាំង ផ្ទុកបាក់តេរី Salmonella ប៉ះពាល់ប្រទេសចំនួន ៨៣
ចន្លោះមិនឃើញ
ម្សៅទឹកដោះគោកូនក្មេងជាង ១២ លានប្រអប់ត្រូវបានប្រមូលមកវិញនៅតាមបណ្ដាប្រទេសចំនួន ៨៣ ក្នុងរឿងអាស្រូវបាក់តេរីឈ្មោះ Salmonella ដែលពាក់ព័ន្ធនឹងក្រុមហ៊ុនបារាំង Lactalis។
លោក អេម៉ានូអែល បេស្នៀ (Emmanuel Besnier) នាយកប្រតិបត្តិរបស់ក្រុមហ៊ុនទឹកដោះគោនេះបានចេញមកបញ្ជាក់អំពីវិសាលភាពហានិភ័យ នៃការចម្លងរោគដល់ប្រព័ន្ធផ្សព្វផ្សាយបារាំង។
ផលិតផលទាំងនោះត្រូវបានប្រមូលមកវិញ ចាប់តាំងពីខែធ្នូ បន្ទាប់ពីបាក់តេរី Salmonella ត្រូវបានរកឃើញនៅរោងចក្រមួយ។ បណ្ដឹងទាមទារសំណងត្រូវបានធ្វើឡើងដោយឪពុក ម្តាយជាច្រើន ដែលនិយាយថា កូនៗរបស់ពួកគេមិនស្រួលខ្លួន បន្ទាប់ពីបៅទឹកដោះគោរបស់ក្រុមហ៊ុន Lactalis។
អ្នកនាំពាក្យម្នាក់បានប្រាប់សារព័ត៌មានប៊ីប៊ីស៊ីថា គ្រប់ប្រទេសដែលរងផលប៉ះពាល់ត្រូវបានជូនដំណឹងនៅអឺរ៉ុប អាស៊ី អាមេរិកឡាទីន និងអាហ្វ្រិក។ លោកបានបន្ថែមថា ចក្រភពអង់គ្លេស អាមេរិក និងអូស្ត្រាលីមិនរងផលប៉ះពាល់ទេ។
ក្រុមហ៊ុន Lactalis គឺជាក្រុមហ៊ុនផលិតទឹកដោះគោធំបំផុតមួយលើពិភពលោក ជាមួយនឹងការលក់ប្រចាំឆ្នាំចំនួន ២១ ពាន់លានដុល្លារអាមេរិក។ ក្រុមហ៊ុននេះមានទីតាំងផលិតកម្មចំនួន ២៤៦ កន្លែងនៅក្នុងប្រទេសចំនួន ៤៧ និងមានបុគ្គលិក ១៥ ០០០ នាក់តែក្នុងប្រទេសបារាំង។
ការប្រមូលត្រឡប់មកវិញត្រូវបានចេញផ្សាយដោយក្រុមហ៊ុនចំនួន ៣ ដងហើយៗគ្របដណ្ដប់លើយីហោម៉ាក Picot, Milumel និង Taranis៕
បើអស់ពីវេជ្ជបណ្ឌិត Beat Richner ពេទ្យគន្ធបុប្ផាព្យាបាលអត់យកលុយទៀតទេ?
ផ្ទុះករណីជំងឺផ្ដាសាយបក្សី កើតមាននៅតំបន់មួយក្នុងរាជធានីភ្នំពេញ