ក្ដៅៗ! មិនទាន់ចូលលេងបានប៉ុន្មានផង Dembele នឹងអវត្តមានទៀតហើយ
- 2018-01-15 13:46:00
- ចំនួនមតិ 0 | ចំនួនចែករំលែក 0
ក្ដៅៗ! មិនទាន់ចូលលេងបានប៉ុន្មានផង Dembele នឹងអវត្តមានទៀតហើយ
ចន្លោះមិនឃើញ
នៅក្នុងថ្ងៃនេះ ក្លឹប Barcelona បានបញ្ជាក់ថា ខ្សែប្រយុទ្ធ Ousmane Dembele នឹងអវត្តមានរយៈពេល ជាង ១ខែ ដោយសារបញ្ហារបួសសរសៃពួរ។
ក្នុងសារផ្លូវការ ក្លឹបអ្នកមានបុណ្យបានសរសេរថា៖ “Dembele មានបញ្ហាត្រង់ភ្លៅឆ្វេងរបស់គេ ហើយការធ្វើតេស្ដបានឲ្យដឹងថា គេរងរបួសសរសៃពួរ។ របួសនេះនឹងធ្វើឲ្យគេអវត្តមានពី ៣ ទៅ ៤សប្ដាហ៍"។
សូមបញ្ជាក់ផងដែរ តាំងពីធ្វើការផ្ទេរពីក្លឹប Borrussia Dortmund មក ខ្សែប្រយុទ្ធ Dembele បានពើបប្រទះនឹងរបួសសាច់ដុំសរសៃពួរខាងស្ដាំ ដែលនេះបានធ្វើឲ្យកីឡាករបារាំងរូបនេះ មិនបានលេងជិត ៤ខែ ហើយទើបតែបានជាសះស្បើយកាលពីពេលថ្មីៗនេះប៉ុណ្ណោះ មុនពេលជួបបញ្ហារបួសថ្មីម្ដងទៀតក្នុងថ្ងៃនេះ។ រហូតមកទល់ពេលនេះ Dembele ទើបតែបានបង្ហាញខ្លួនឲ្យក្លឹបអ្នកមានបុណ្យ ចំនួន ៧លើកប៉ុណ្ណោះ៕