ស្គាល់ជំងឺគេងមិនដកដង្ហើមច្បាស់ទើបដឹងថា ប៉ះពាល់ធ្ងន់ប៉ុណ្ណាដល់សុខភាព
- 2018-01-16 05:18:23
- ចំនួនមតិ 0 | ចំនួនចែករំលែក 0
ស្គាល់ជំងឺគេងមិនដកដង្ហើមច្បាស់ទើបដឹងថា ប៉ះពាល់ធ្ងន់ប៉ុណ្ណាដល់សុខភាព
ចន្លោះមិនឃើញ
"គេងមិនដកដង្ហើមកើតឡើងដោយសារសាច់ដុំបំពង់កសម្រាក ជាជំងឺដែលអាចប៉ះពាល់ដល់អាយុជីវិត និងទាមទារឲ្យមានការពិនិត្យតាមដានឲ្យបានត្រឹមត្រូវ"។ នេះជាសម្ដីលោកNguyen Truong Khuong វេជ្ជបណ្ឌិតផ្នែកត្រចៀក ច្រមុះ បំពង់ក ប្រចាំមន្ទីរពេទ្យ FV និយាយក្នុងកម្មវិធីបទឧទ្ទេសនាមស្ដីពី "ជំងឺគេងមិនដកដង្ហើម" កាលពីថ្ងៃទី១៣ មករា។
ផលលំបាកនៃជំងឺនេះ រួមមាន បញ្ហាបេះដូង (គាំងបេះដូង) ជំងឺដាច់សរសៃខួរក្បាល ឬស្ត្រូក ជំងឺលើសសម្ពាធឈាម បញ្ហាប្រព័ន្ធចងចាំ ការកើនឡើងនៃអាំងសូលីនរ៉េស៊ីស្តង់ក្នុងឈាម (ទោះមិនមែនជាអ្នកជំងឺទឹកនោមផ្អែមក៏ដោយ) និងបញ្ហាអសមត្ថភាពផ្លូវភេទ។
ជំងឺដែលបានកំណត់និយមន័យដោយសាលាវេជ្ជសាស្ត្រអាមេរិកផ្នែកគេង ( American Academy of Sleep Medicine) ថាជាការឈប់ដើរនៃចង្វាក់ដង្ហើមយ៉ាងតិច១០វិនាទី ហើយការគាំងដង្ហើមនេះ អាចមានរយៈពេល ៣០វិនាទី ឬយូរជាងនេះ មានរោគសញ្ញាដូចជាការស្រមុកឮៗជាប់ ថប់ដង្ហើម ឬដង្ហក់ ដេករសាប់រសល់ ងងុយដេកពេលថ្ងៃ ឈឺក្បាលពេលព្រលឹម និងអារម្មណ៍មិនមូលនៅពេលថ្ងៃ។
វេជ្ជបណ្ឌិត Nguyenបានលើកឡើងពីវិធីការពារផ្សេងៗដូចជា ការឈប់ជក់បារី ឈប់ពិសាគ្រឿងស្រវឹង ពិសាថ្នាំជំនួយដំណេក និងថ្នាំរំងាប់ផ្លូវអារម្មណ៍ ព្រមទាំងចៀសវាងបញ្ហាគេងមិនឆ្អែត ហើយអ្នកជំងឺ ក៏អាចប្រើឧបករណ៍ពាក់បើកខ្យល់ច្រមុះ ទឹកសាលីនលាងច្រមុះ ឬបន្ទះពាក់បើករន្ធច្រមុះដើម្បីជំនួយ។
គ្រូពេទ្យប្រចាំពេទ្យនៅកណ្ដាលទៅក្រុងហូជីមិញខាងលើ បានបន្ថែមថា ការព្យាបាលឲ្យមានប្រសិទ្ធភាពសម្រាប់ជំងឺគេងមិនដកដង្ហើមធ្ងន់ធ្ងរ គឺច្រមុះបន្តសម្ពាធខ្យល់ត្រឹមត្រូវ (CPAP) ដែលបានក្លាយជាបទដ្ឋានថែទាំសំខាន់តាំងពីឆ្នាំ ១៩៨១ ហើយដំណាក់កាលវះកាត់ អាចធ្វើឡើងនៅពេលដែលការព្យាបាលបែប CPAP មិនទទួលជោគជ័យ។
មន្ទីរពេទ្យ FV វៀតណាម ដែលជាអ្នករៀបចំកម្មវិធីបទឧទ្ទេសនាមខាងលើ បានបើកដំណើរការក្នុងឆ្នាំ ២០០៣ ព្រមទាំងជាមន្ទីរពេទ្យទីមួយរបស់វៀតណាមដែលមានការទទួលស្គាល់ជាជាផ្លូវការពីអន្តរជាតិ ហើយផ្ដល់ការព្យាបាលអ្នកជំងឺមិនសម្រាកព្យាបាល ១៧៥០នាក់ក្នុងមួយថ្ងៃ និងសម្រាកព្យាបាល ២២០នាក់។
FV ក៏មានការិយាល័យតំណាងនៅមជ្ឈមណ្ឌលពាណិជ្ជកម្ម ប៊ុណ្ណា លើមហាវិថីព្រះនរោត្តមផងដែរ។ ព័ត៌មានបន្ថែម ពីមន្ទីរពេទ្យ FV ចូលទៅវិបសាយ www.fvhospital.com ៕