Camila Cabello សារភាពថាប៊ិះថើបមាត់ Nick Jonas យប់ឆ្លងឆ្នាំ
- 2018-01-16 06:30:00
- ចំនួនមតិ 0 | ចំនួនចែករំលែក 0
Camila Cabello សារភាពថាប៊ិះថើបមាត់ Nick Jonas យប់ឆ្លងឆ្នាំ
ចន្លោះមិនឃើញ
កាលពីថ្ងៃសុក្រសប្ដាហ៍មុននេះ អតីតសមាជិកក្រុមចម្រៀង Fifth Harmony, Camila Cabello បានចូលរួមជាភ្ញៀវកិត្តិយសក្នុងកម្មវិធី The Tonight Show Starring Jimmy Fallon ដើម្បីផ្សព្វផ្សាយអាល់ប៊ុមថ្មីរបស់នាង "Camila Cabello” ដោយបញ្ជាក់ពីរឿងហេតុដែលនាងប៊ិះនឹងថើបមាត់ Nick Jonas នៅយប់ឆ្លងឆ្នាំកន្លងទៅនេះ។
តារាវ័យ ២០ឆ្នាំរូបនេះនិយាយទាំងសើចប្រាប់ Fallon ថា៖ "គ្រាន់តែដល់ពេលភ្លាម ខ្ញុំគិតក្នុងចិត្តថាគួរតែថើប Nick Jonas ឬអត់? ពីព្រោះវាជារឿងធម្មតាទៅហើយរាល់ពេលឆ្លងឆ្នាំ។"
គ្រាន់តែនិយាយបែបនេះភ្លាម ទស្សនិកជនទាំងអស់ដែលចូលរួមកម្មវិធីនេះស្រាប់តែសើចគិលទាំងអស់គ្នា។ បន្ទាប់មកនាងក៏បន្តប្រាប់ថា មកដល់ពេលនេះនាងមិនដែលធ្លាប់ថើបនរណាម្នាក់ពេលថ្ងៃឆ្លងឆ្នាំនោះទេ។
បើយោងទៅតាមការបញ្ជាក់របស់នាង Camila បានក្រឡេកមើលជុំវិញខ្លួនហើយឃើញតែ Nick Jonas ពិធីករ Ryan Seacrest និង Mariah Carey តែប៉ុណ្ណោះដែលឈរនៅជិតនាង។
លោក Fallon បានសួរនាងថា តើនាងបានថើប Nick ឬអត់? Camila បានឆ្លើយថានឹងមិនក្លាហានគ្រប់គ្រាន់ដើម្បីទៅថើប Nick ទេព្រោះបើគិតទៅវាពិតជាអស់សំណើចខ្លាំងពេក ប៉ុន្តែ Mariah Carey បានបង្ហោះថើបឲ្យដូច្នេះវាល្អគ្រាន់បើ។
ថ្មីៗនេះ Camila ទើបតែបញ្ចេញអាល់ប៊ុមដំបូងរបស់នាងដែលមានឈ្មោះថា "Camila” ដែលមានបទចម្រៀងពីរោះៗជាច្រើនដូចជា Havana និង Never The Same ជាដើម៕
អានអត្ថបទ៖
បុរសម្នាក់ថាខ្លួនជាសង្សារ Taylor Swift ហើយចង់បានកាំភ្លើងការពារនាង
កំពូលចម្រៀងទាំង១០បទរបស់ Britney Spears អ្នកណាក៏ធ្លាប់ស្ដាប់