Giggs ចង់បានអតីតមិត្តរួមក្រុម Scholes ទៅធ្វើជំនួយការនៅវែល
- 2018-01-16 07:36:27
- ចំនួនមតិ 0 | ចំនួនចែករំលែក 0
Giggs ចង់បានអតីតមិត្តរួមក្រុម Scholes ទៅធ្វើជំនួយការនៅវែល
ចន្លោះមិនឃើញ
គ្រូបង្វឹកថ្មីថ្មោងក្រុមជម្រើសជាតិវែល Ryan Giggs ដែលទើបកាន់តំណែងកាលពីថ្ងៃម្សិលមិញចង់បាន អតីតមិត្តរួមក្រុម Paul Scholes ទៅធ្វើជាជំនួយការ។
អតីតខ្សែបម្រើឆ្នើមទាំងពីរមានអនុស្សាវរីយ៍រាប់មិនអស់កាលប្រកបអាជីពជាកីឡាករ ដោយជួយ Manchester United ឈានដល់ចំណុចកំពូល និងឈ្នះពានធំៗជាច្រើនជំនាន់លោក Sir Alex Ferguson។ Scholes បច្ចុប្បន្នជាអ្នកវិភាគបាល់ទាត់របស់ BT Sport និងជាម្ចាស់ហ៊ុនមួយផ្នែករបស់ក្លឹប Salford City។
បុរសសញ្ជាតិវែលចង់បាន Scholes ទៅធ្វើការជាមួយគ្នានៅក្រុមជម្រើសជាតិដែលមានរហស្សនាមថា Red Devil ហើយការសម្រេចចិត្តយ៉ាងណានោះមិនទាន់ដឹងនៅឡើយទេ។
Giggs ធ្លាប់ជាកីឡាករលេងនៅ Premier League បានច្រើនជាងគេទីពីរក្រោយបង្ហាញខ្លួនចំនួន៦៣២ប្រកួត និងស៊ុតបញ្ចូលទី១១៤គ្រាប់ឲ្យ Manchester United។ ក្នុងអាជីពជាគ្រូបង្វឹកវិញបុរសវ័យ៤៤ឆ្នាំធ្លាប់ដឹកនាំ United មួយប៉ុណ្ណោះក្នុងនាមជាអ្នកចាត់ការបណ្ដោះអាសន្នកាលពីឆ្នាំ២០១៤៕