Man City បែររកកីឡាករគោលដៅចាស់របស់ Man Utd ក្រោយបរាជ័យប្រជែងយក Sanchez
- 2018-01-16 12:43:38
- ចំនួនមតិ 0 | ចំនួនចែករំលែក 0
Man City បែររកកីឡាករគោលដៅចាស់របស់ Man Utd ក្រោយបរាជ័យប្រជែងយក Sanchez
ចន្លោះមិនឃើញ
បន្ទាប់ពីត្រូវបានសារព័ត៌មានជាច្រើនអះអាងថាបានដកខ្លួនចេញពីការប្រជែងក្នុងការទិញខ្សែប្រយុទ្ធ Alexis Sanchez ក្លឹប Manchester City បានបែររ៉ាដាទៅខ្សែប្រយុទ្ធ Antoine Griezmann ដែលជាកីឡាករគោលដៅចាស់របស់ Manchester United។ នេះបើតាមសារព័ត៌មាន Manchester Evening News ហើយយកមកចុះផ្សាយថ្ងៃនេះដោយ Metro។
យោងតាមប្រភពដដែលបានឲ្យដឹងថា ថ្នាក់ដឹកនាំក្លឹប Manchester City បានធ្វើការធានាដល់លោក Pep Guardiola ថាក្លឹបនឹងធ្វើការចាយលុយធំទៅលើការទិញខ្សែប្រយុទ្ធដ៏ឆ្នើមមួយរូបនៅពេលរដូវកាលដោះដូរកីឡាករខែក្ដៅខាងមុខ។ បើយោងតាមរបាយការណ៍នេះ Antoine Griezmann ជាកីឡាករដែលលោក Pep ចូលចិត្ត និងសរសើរជាខ្លាំង។
តម្លៃទិញផ្ដាច់កុងត្រារបស់កីឡាករសញ្ជាតិបារាំង Griezmann គឺ ៨៩លានផោន។
គួររំលឹកឡើងវិញផងដែរ កាលពីរដូវកាលដោះដូរកីឡាករខែក្ដៅកន្លងទៅ មានពាក្យចចាមអារ៉ាមជាច្រើនដែលថា ក្លឹប Manchester United បានធ្វើការយ៉ាងសស្រាក់សស្រាំក្នុងការតាមទិញខ្សែប្រយុទ្ធ Griezmann តែមិនបានសម្រេច ដោយកីឡាករបារាំងសម្រេចនៅ Atletico Madrid ដែលអង្កាល់នោះនៅជាប់បម្រាមហាមមិនឲ្យនាំចូលកីឡាករថ្មី៕