Apple នឹងចូលដណ្ដើមម៉ូយពី Samsung ដល់កូរ៉េខាងត្បូង
- 2018-01-17 02:46:21
- ចំនួនមតិ 0 | ចំនួនចែករំលែក 0
Apple នឹងចូលដណ្ដើមម៉ូយពី Samsung ដល់កូរ៉េខាងត្បូង
ចន្លោះមិនឃើញ
Apple បានប្រកាសថាហាងលក់រាយដំបូងរបស់ខ្លួននឹងបើកដំណើរការនៅលើទឹកដីប្រទេសកូរ៉េខាងត្បូងដែលជាទឹកដីកំណើតរបស់ក្រុមហ៊ុន Samsung នាថ្ងៃទី ២៧ ខែមករាខាងមុខ។
ហាងលក់រាយនេះមានទីតាំងនៅតំបន់ Garosu-gil សង្កាត់ Gangnam នៃទីក្រុងសេអ៊ូល ដែលបើកដំណើរការ ៧ ថ្ងៃក្នុងមួយសប្ដាហ៍ ដូចហាងលក់រាយដទៃទៀតដែរ។ Apple បានបញ្ជាក់ពីការបើកហាងលក់រាយដំបូងនៅកូរ៉េខាងត្បូងតាំងពីឆ្នាំមុនមកម្ល៉េះ ដោយគ្រោងនឹងបើកដំណើរការនៅថ្ងៃទី ៣០ ខែធ្នូ ប៉ុន្តែដោយសារការសាងសង់មិនរួចរាល់តាមការគ្រោងទុក ទើបត្រូវពន្យារពេល។
ហាងលក់រាយចំនួនពីរដំបូងគេរបស់ Apple បានបើកដំណើរការនៅខែឧសភា ឆ្នាំ ២០០១ នៅរដ្ឋ Virginia និង រដ្ឋ California សហរដ្ឋអាមេរិក។ មកទល់ពេលនេះ Apple បានបើកហាងលក់រាយចំនួន ២៧១ កន្លែងនៅសហរដ្ឋអាមេរិក និងចំនួន ២២៨ កន្លែងនៅក្រៅទឹកដីសហរដ្ឋអាមេរិក៕