មកស្គាល់ក្រុមហ៊ុនផលិតភាពយន្តហូលីវូដធំជាងគេគ្រប់សម័យកាលទាំង១០
- 2018-01-18 00:30:00
- ចំនួនមតិ 0 | ចំនួនចែករំលែក 0
មកស្គាល់ក្រុមហ៊ុនផលិតភាពយន្តហូលីវូដធំជាងគេគ្រប់សម័យកាលទាំង១០
ចន្លោះមិនឃើញ
ឧស្សាហកម្មភាពយន្តនៅហូលីវូដ អាចមានលទ្ធភាពរកចំណូលបានដល់ទៅខ្ទង់ប៊ីលានដុល្លារឯណោះ ជារៀងរាល់ឆ្នាំ។ ក្រុមហ៊ុនធំៗនីមួយៗតែងតែមានភាពយន្តថ្មីល្បីៗ ព្រមទាំងចូលរួមសម្ដែងពីតារាលំដាប់កំពូលៗ ធ្វើឲ្យអ្នកស្នេហាវិស័យភាពយន្តមិនខកបំណង។
ក្នុងរយៈពេលជាង១សតវត្សក្រោយ របកគំហើញពីរបៀបដាក់បញ្ចាំងនិងផលិតភាពយន្តមកនេះ ក្រុមហ៊ុនធំៗជាច្រើនដូចជា Paramount Picture និង Universal Studio ជាដើមសុទ្ធតែមានអាយុជាង ១០០ឆ្នាំឯណោះ។
នេះជាបណ្ដាក្រុមហ៊ុនផលិតភាពយន្តធំៗបំផុតទាំង១០គ្រប់សម័យកាល៖
១០. DreamWorks (DreamWorks Pictures)
DreamWorks បង្កើតកាលពីឆ្នាំ ១៩៩៤ ជាក្រុមហ៊ុននៅពីក្រោយភាពយន្តល្បីៗដូចជា "Saving Private Ryan”, “Gloadiator” និង "Transformer”។ DreamWorks ធ្វើការជិតស្និទ្ធជាមួយលោក Steven Speilberg ដែលជាផលិតករភាពយន្តដ៏ឆ្នើមម្នាក់។ មិនត្រឹមតែប៉ុណ្ណោះក្រុមហ៊ុននេះក៏ផលិតភាពយន្តគំនូរជីវចលល្បីៗជាច្រើនដូចជា "Kungfu Panda” និង "Shrek”។
៩. MGM (Metro-Goldwyn-Mayer Studios)
បង្កើតនៅខែមេសា ឆ្នាំ ១៩២៤។ ក្រុមហ៊ុននេះជាអ្នកផលិតគំនូរជីវចលដែលយើងចូលចិត្តខ្លាំងកាលពីនៅក្មេងគឺ “Tom & Jerry” ព្រមទាំងខ្សែរឿង "James Bond”, “The Hobbit” និងភាពយន្តជាច្រើនទៀត។
៨. The Weinstein Company (កាន់កាប់ Dimension Films)
ក្រុមហ៊ុននេះគ្រប់គ្រងដោយបងប្អូន Bob Weinstein និង Harvey Weinstein បង្កើតនៅឆ្នាំ ២០០៥។ ទោះបីជាក្មេងខ្ចីពិតមែនប្រៀបធៀបទៅនឹងក្រុមហ៊ុនផលិតភាពយន្តផ្សេងៗ ក្រុមហ៊ុននេះបានផលិតភាពយន្តល្អៗជាច្រើនដូចជា "Django Unchained” និង "Silver Linings Playbook” ដែលសុទ្ធតែមានលទ្ធភាពឈ្នះពានរង្វាន់អូស្ការ។
៧. Lions Gate Entertainment (Lionsgate)
បង្កើតនៅឆ្នាំ ១៩៩៧ ក្រុមហ៊ុននេះជាប់ចំណាត់ថ្នាក់លេខ៧ ជាក្រុមហ៊ុនផលិតភាពយន្តដែលរកចំណូលបានច្រើនជាងគេ។ សព្វថ្ងៃនេះ Lionsgate គ្រប់គ្រងដោយលោក Jon Feltheimer ព្រមទាំងមានទីតាំងនៅ Santa Monica, California សហរដ្ឋអាមេរិក។ ក្រុមហ៊ុននេះផលិតរឿងល្បីៗដូចជា សែស្រឡាយរឿង "The Hunger Games” និង "Saw”។
៦. Viacom (កាន់កាប់ Paramount Pictures)
ដូចបានបញ្ជាក់ខាងលើ Paramount Pictures បង្កើតតាំងពីឆ្នាំ ១៩១២ មកម្ល៉េះ ពោលគឺជាង១សតវត្សហើយ។ ក្រុមហ៊ុននេះជាអ្នកខាងក្រោយការផលិតរឿង "Titanic” ដែលរកចំណូលបានដល់ទៅ ២ប៊ីលានដុល្លារ និងសែស្រឡាយរឿង "Transformers"។ ក្រៅពីនោះក្រុមហ៊ុននេះក៏ជាអ្នកកាន់កាប់ Studio តូចៗដូចជា Nickelodeon Movies, MTV Films, និង Paramount Vantage។
៥. 21st Century Fox (កាន់កាប់ 20th Century Fox)
20th Century Fox ជាក្រុមហ៊ុនផលិតភាពយន្តដ៏ធំមួយ បង្កើតតាំងពីឆ្នាំ ១៩៣៥ ប៉ុន្តែក្រោយមកបានប្រែក្លាយជា 21st Century Fox វិញនៅឆ្នាំ២០១៣។ ក្រុមហ៊ុននេះផលិតភាពយន្តល្បីៗជាច្រើនដូចជា "Ice Age”, “Independence Day” និងភាពយន្ត "Avatar” ដែលរកចំណូលបានច្រើនជាងគេក្នុងប្រវត្តិសាស្ត្រ Box Office។ ប៉ុន្តែនៅចុងឆ្នាំ ២០១៧ នេះក្រុមហ៊ុន Walt Disney បានទិញ 21st Century Fox ក្នុងតម្លៃ ៥២,៤ប៊ីលានដុល្លារ។
៤. NBCUniversal (កាន់កាប់ Universal Pictures)
បង្កើតនៅឆ្នាំ ១៩១២ Universal Pictures ត្រូវបានគេចាត់ទុកថាជាក្រុមហ៊ុនផលិតភាពយន្តដ៏ធំមួយ ដែលពេលនេះមានដើមទុនដល់ទៅ ២៨,៤៦ប៊ីលានដុល្លារ។ NBCUniversal កាន់កាប់ក្រុមហ៊ុនតូចៗ ជាច្រើនដូចជា NBC News, E!, Hulu ជាដើម។ ក្រុមហ៊ុននេះផលិតរឿងល្បីៗដូចជា "Jurassic Park”, “Despicable Me” និងសេរ៊ិរឿង "Fast and Furious”។
៣. The Walt Disney Company (កាប់កាន់ The Walt Disney Studios)
បង្កើតនៅថ្ងៃទី១៦ ខែតុលា ឆ្នាំ១៩២៣ នៅទីក្រុង Los Angeles, California សហរដ្ឋអាមេរិក។ ក្រុមហ៊ុននេះជាប់ចំណាត់ថ្នាក់លេខ៣ ក្នុងចំណោមក្រុមហ៊ុនផលិតភាពយន្តធំបំផុតនៅលើពិភពលោក។ ជាមួយនឹងដើមទុនដល់ទៅ ៩៥,៧៨៩ប៊ីលានដុល្លារ Disney ផលិតភាពយន្តល្បីៗជាច្រើនប្រចាំឆ្នាំ ដោយសារតែក្រុមហ៊ុននេះកាន់កាប់ស្ទីឌីយ៉ោល្បីៗដូចជា Lucas Film, Marvel Studios, Pixar, Touchstone Pictures។ ភាពយន្តរកចំណូលបានច្រើនៗពី Disney មានដូចជា "Avengers”, “Frozen”, “Pirates of the Caribbean” និង "Toy Story”។
២. Sony (កាន់កាប់ Sony Pictures Entertainment)
បង្កើតនៅថ្ងៃទី ២១ ខែធ្នូ ឆ្នាំ ១៩៨៧ ដោយមានឈ្មោះចាស់ថា "Columbia Pictures Entertainment, Inc” ប៉ុន្តែប្តូរឈ្មោះជា Sony Pictures Entertainment, Inc) នៅថ្ងៃទី ០៧ខែសីហាឆ្នាំ ១៩៩១ គឺប្រមាណ ២៦ឆ្នាំក្រោយ។ ក្រុមហ៊ុននេះផលិតភាពយន្តល្បីៗដូចជា "Spider-Man”, “2012” និង "Skyfall”។
១. Time Warner (កាន់កាប់ Warner Bros. Pictures)
Time Warner គឺជាក្រុមហ៊ុនធំជាងគេ នៅសហរដ្ឋអាមេរិក និងទូទាំងពិភពលោកផ្នែកផលិតភាពយន្ត។ Warner Bros. Pictures បង្កើតនៅថ្ងៃទី ០៤ ខែមេសា ឆ្នាំ ១៩២៣ ដែលកាន់កាប់ស្ទូឌីយ៉ោធំៗដូចជា New Line Cinema, Castle Rock Entertainment, Turner Entertainment, Warner Bros. Animation និង DC Entertainment។ សែស្រឡាយភាពយន្តដែលល្បីខ្លាំងនិងរកចំណូលបានច្រើនគឺមានដូចជា "Harry Potter”, “The Dark Knight” និង "Lord of the Ring”៕
អានអត្ថបទ៖
ទិដ្ឋភាពតួ Superhero ល្បីៗថតរឿងវគ្គថ្មី Avenger 4 អាចបង្កប់សាច់រឿងមួយ (វីដេអូ)
មកស្គាល់ពីភាពយន្តរបស់ Disney ទាំងអស់ដែលនឹងបញ្ចាំងឆ្នាំ ២០១៨