បន្ទាប់ពីទិញ Coutinho និង Mina ក្លឹប Barca អាចជម្រាបលា កីឡាករខ្លួនម្នាក់ឆាប់នេះ
- 2018-01-17 13:46:45
- ចំនួនមតិ 0 | ចំនួនចែករំលែក 0
បន្ទាប់ពីទិញ Coutinho និង Mina ក្លឹប Barca អាចជម្រាបលា កីឡាករខ្លួនម្នាក់ឆាប់នេះ
ចន្លោះមិនឃើញ
បន្ទាប់ពីទិញបានខ្សែបម្រើប្រយុទ្ធ Philippe Coutinho និងខ្សែការពារ Yerry Mina ក្នុងខែមករានេះ ក្លឹប Barcelona អាចនឹងផ្ទេរ Rafinha ទៅ Inter Milan ក្នុងនាមជាកីឡាករខ្ចីជើង។ នេះបើតាមការចុះផ្សាយរបស់សារព័ត៌មាន Goal។
យោងតាម Goal បានឲ្យដឹងថា នាយកក្លឹប Inter Milan លោក Piero Ausilio កំពុងស្ថិតនៅអេស្ប៉ាញ ដើម្បីធ្វើការពិភាក្សា និងចរចាជាមួយ Barcelona ក្នុងការនាំយក Rafinha ឲ្យទៅលេងនៅអ៊ីតាលី។
របាយការណ៍របស់សារព័ត៌មានមួយនេះ ក៏បានអះអាងទៀតថា ក្លឹបអ្នកមានបុណ្យ នៅពេលនេះ បានយល់ព្រមឲ្យ Inter Milan ខ្ចីជើង ខ្សែបម្រើរូបនេះហើយ។ Goal ក៏បានបញ្ជាក់ទៀតថា Inter Milan បច្ចុប្បន្នកំពុងតែរង់ចាំភ្លើងខៀវពី Rafinha ប៉ុណ្ណោះ។
សូមបញ្ជាក់ផងដែរថា បើសិនជា Rafinha ព្រមចូលរួមជាមួយក្លឹប Inter មែន ខ្សែបម្រើរូបនេះនឹងក្លាយជាកីឡាករទី ២ហើយ ដែលក្លឹបអ៊ីតាលីមួយនេះ ធ្វើការនាំចូលនាខែនេះ ខណៈកីឡាករទី ១ គឺ Lisandro Lopez ផ្ទេរពី Benfica៕