អ្នកប្រើ iPhone នឹងអាចកំណត់ល្បឿនទូរសព្ទ ឲ្យដើរលឿន ឬ យឺតបាន
- 2018-01-18 02:13:20
- ចំនួនមតិ 0 | ចំនួនចែករំលែក 0
អ្នកប្រើ iPhone នឹងអាចកំណត់ល្បឿនទូរសព្ទ ឲ្យដើរលឿន ឬ យឺតបាន
ចន្លោះមិនឃើញ
ក្នុងបទសម្ភាសន៍ជាមួយនឹង ABC News លោក Tim Cook នាយកប្រតិបត្តិក្រុមហ៊ុន Apple បានលើកឡើងថាប្រព័ន្ធប្រតិបត្តិការ iOS ដែលនឹងបញ្ចេញនៅថ្ងៃខាងមុខនឹងអនុញ្ញាតឲ្យអ្នកប្រើប្រាស់កំណត់ល្បឿនទូរសព្ទឲ្យដើរលឿន ឬ ដើរយឺតបាន។
កំណែអាប់ដេត iOS ដែលមានមុខងារនេះ នឹងបញ្ចេញសម្រាប់ Developer ប្រើប្រាស់សាកល្បងនៅខែក្រោយ ហើយនឹងបញ្ចេញឲ្យសាធារណជនប្រើប្រាស់នៅពេលបន្ទាប់។ អ្នកប្រើប្រាស់អាចមានជម្រើសបិទមុខងារដែលកាត់បន្ថយល្បឿន CPU និង GPU ប្រសិនបើពួកគេសុខចិត្តប្រថុយនឹងបញ្ហាទូរសព្ទរលត់ដោយខ្លួនឯងដើម្បីទទួលបានល្បឿន CPU និង GPU លឿន។
គួររំលឹកថា Apple បានបន្ថយល្បឿន CPU និង GPU លើ iPhone 6, iPhone 6s និង iPhone 7 ដែលមានថ្មអាយុកាលចាស់ ជាមួយកំណែទម្រង់ iOS 11.2 ដើម្បីដោះស្រាយនឹងបញ្ហាដែលធ្វើឲ្យទូរសព្ទរលត់ដោយឯងៗ។ យ៉ាងណាក្ដីដំណោះស្រាយមួយនេះ ធ្វើឲ្យអតិថិជនមួយចំនួនមិនសប្បាយចិត្តនោះទេ រហូតដល់មានការដាក់ពាក្យបណ្ដឹងប្ដឹងក្រុមហ៊ុនយក្សនេះថែមទៀត ដែលមកទល់ពេលនេះមានដល់ ៤៥ ពាក្យបណ្ដឹងឯណោះ។
ក្រោយមានការដាក់ពាក្យបណ្ដឹង និងការត្អូញត្អែរជាហូរហែនេះ Apple ក៏បានបញ្ចេញសារសុំទោស និងបន្ថយតម្លៃប្ដូរថ្មថ្មីពី ៧៩ ដុល្លារមកនៅត្រឹម ២៩ ដុល្លារ សម្រាប់អ្នកប្រើ iPhone 6, iPhone 6s និង iPhone 7 ដែលមានថ្មចាស់ៗ៕