ម៉េង យៀកលី ត្រូវប៉ាន់អីចឹង ទើបទុកសិល្បៈកន្លៀតជញ្ជាំងសិន

2018-01-18 04:48:03
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រី ម៉េង យៀកលី ផ្អាកពីមុខជំនួញ ហើយចេញពីសិល្បៈទៀត នារយៈកាលចុងក្រោយ ក្នុងនោះមានដំណឹងថា ដោយសារតែនាងកំពុងតែត្រូវប៉ាន់ជាមួយនឹងជំនួញថ្មីមួយផង។

សាមីខ្លួន បញ្ចេញថា ឥឡូវនេះ នាងកំពុងមមាញឹកនឹងការពង្រីកមុខជំនួញថ្មីមួយ ទើបត្រូវបង្ខំចិត្តទុកការងារសិល្បៈ និងការងារផ្សេងទៀតចោលសិន ខណៈជំនួញចុងក្រោយនេះ កំពុងផ្ដល់ឲ្យនាងនូវចំណូលរាប់ពាន់ដុល្លារក្នុង១ខែ។

មុខជំនួញដែល យៀកលី កំពុងកាក់កបនេះ គឺក្រុមហ៊ុនលក់ផលិតផលសុខភាព ដែលនាងបានចូលខ្លួនធ្វើអស់រយៈពេលយូរគួរសមហើយ។ តារាស្រីមកពីប៉ោយប៉ែតរូបនេះ លើកឡើងថា "ជាមធ្យមខ្ញុំអាចរកបានខ្ទង់ប្រមាណ ២ពាន់ដុល្លារក្នុង១ខែ គឺច្រើនជាងការងារសិល្បៈ"។

នៅមុនផ្អាកពីការងារសិល្បៈទៅធ្វើជំនួញ ម៉េង យៀកលី គឺជាតារាសម្ដែង និងជាពិធីការិនីបម្រើការឲ្យទូរទស្សន៍បាយ័ន។ ការងារសិល្បៈទាំងឡាយ គឺអាចឲ្យនាងទទួលបានកម្រៃតិចជាងការងាររកស៊ីខាងលើ ត្រឹម១ពាន់ដុល្លារអីប៉ុណ្ណោះ។ សំខាន់ជាងនេះទៀត នាងលើកឡើងថា ការសិល្បៈមានសំពាធច្រើន ព្រមទាំងលំបាក ជួនត្រូវធ្វើការងារហាលក្ដៅ ក្រោមភ្លៀង ទើបឈប់។

(រូបថត៖ហ្វេសប៊ុក យៀកលី)

យ៉ាងណាក៏ដោយ កាលដែលនាងភ្ជាប់ពាក្យ ត្រៀមរៀបមង្គលការឆាប់ៗនេះ ក៏ជាហេតុផលមួយដែលនាងសម្រេចចិត្តផ្អាកពីសិល្បៈមួយរយៈដែរ។ តាមព័ត៌មាន ម៉េង យៀកលី ទើបបានភ្ជាប់ពាក្យកាលពីចុងឆ្នាំ ២០១៧។ គូដណ្ដឹងរបស់នាង ត្រូវគេដឹងថា ជាថ្នាក់ដឹកនាំក្រុមហ៊ុនលក់អាហារបំប៉នសុខភាពនោះតែម្ដង។

បែបនេះក្ដី ក្រៅពីទទួលស្គាល់ពីដំណឹងភ្ជាប់ពាក្យ យៀកលី មិនព្រមបញ្ចេញអត្តសញ្ញាណអនាគតស្វាមីនាងឡើយ។ នាងលើកឡើងថា "ចាំមើលទាំងអស់គ្នាសិនទៅបង៕

អត្ថបទ៖ ទារិកា