ហួសចិត្ត! Shindong ទម្លាយថាធ្លាប់ត្រូវអ្នកគាំទ្រស្រីម្នាក់គ្រវែងអាវក្នុងដាក់

2018-01-18 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុម Super Junior តារាចម្រៀង Shindong បានរៀបរាប់ពេលមួយដែលលោកបានជួបប្រទះរឿងដ៏ភ្ញាក់ផ្អើលខណៈលោកធ្វើការប្រគំតន្ត្រីទេសចរណ៍របស់ Super Junior។

អំឡុងពេលលោកសម្ដែងនៅប្រទេសអាមេរិកខាងត្បូងជាមួយក្រុម តារាចម្រៀងរូបនេះបានចាប់អារម្មណ៍ឃើញអ្នកគាំទ្រម្នាក់លូកដៃចូលអាវរបស់នាង ដោះអាវក្នុងរបស់នាង ហើយបានគ្រវែងវាមកលើឆាក។

លោកបានបញ្ជាក់ថាលោកពិតជាមានភាពខ្មាសអៀនណាស់ ពេលឃើញទិដ្ឋភាពបែបនេះផ្ទាល់ភ្នែកជាលើកដំបូង។ លោកបាននិយាយថា៖ "ដំបូង ខ្ញុំពិតជាអៀនខ្លួនខ្លាំងដែរពេលឃើញបែបនេះ ប៉ុន្តែនេះជាវប្បធម៌របស់ប្រទេសនេះ។ វប្បធម៌របស់ពួកគេគឺតែងតែគ្រវែងអាវក្នុងនៅពេលដែលការសម្ដែងមានភាពសប្បាយរីករាយខ្លាំង"។

ពាក់ព័ន្ធនឹងវប្បធម៌ដ៏ភ្ញាក់ផ្អើលនេះ Yonghwa មេក្រុម CNBLUE ក៏បាននិយាយដែរថា លោកធ្លាប់ជួបប្រទះរឿងស្រដៀងគ្នាដែរ ប៉ុន្តែវាខ្លាំងជាងតារាចម្រៀង Shindong បន្តិច។ លោកបាននិយាយថា៖ "ខ្ញុំធ្លាប់ទទួលបានអាវក្នុងពីទស្សនិកជនពីមុនមកដែរ ប៉ុន្តែខ្ញុំពិតជាភ្ញាក់ផ្អើលខ្លាំងមែនទែន ព្រោះថាអាវនោះគឺវានៅថ្ពក់ជាប់នឹងហ្គីតារបស់ខ្ញុំតែម្ដង។ ខ្ញុំបានខំធ្វើជាលេងហ្គីតាខ្លាំងៗដើម្បីឲ្យអាវនោះជ្រុះ"។

វប្បធម៌ដ៏គួរឲ្យភ្ញាក់ផ្អើលដែលតារាទាំង២រូបនេះបានជួបប្រទះនោះ បានធ្វើឲ្យអ្នកចូលរួមក្នុងកម្មវិធីអស់សំណើច និងហួសចិត្តជាខ្លាំង៕

ប្រភព៖ Koreaboo ប្រែសម្រួល៖ អន សុភក្ត្រា