មិនឲ្យចាញ់ អម្ពរ ទេវី តារាជើងចាស់ យស បូវណ្ណៈ ប្រកាសទទួលការអញ្ជើញមកសម្ដែងនៅស្រុកខ្មែរ

2018-01-19 00:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីមិត្តរួមជំនាន់ អ្នកនាង អម្ពរទេវី បានវិលមកចូលពិភពគុនសិល្បៈវិញ ពេលនេះលោក យស វណ្ណៈ ក៏មានគម្រោងចូលវិថីវិញនេះផងដែរ។

ជារឿងមួយដែលគួរឲ្យសប្បាយចិត្តដែលបុរសសង្ហា ទសវត្សរ៍៩០ ក្រោយពីទៅរស់នៅសាងគ្រួសារលើទឹកដីអាមេរិក ពេលនេះលោកប្រកាសថា លោកនឹងវិលមកកម្ពុជាដើម្បីសម្ដែងរឿងជូនដល់ទស្សនិកជន ដែលចង់ឲ្យលោកវិលមករកវិថីនេះម្ដងទៀត។

លោក យស វណ្ណៈ បានប្រាប់ Sabay ថា កន្លងមកលោកធ្លាប់បានបណ្ដាផលិតកម្មល្បីក្នុងស្រុកមួយចំនួនអញ្ជើញលោកមកសម្ដែងនៅកម្ពុជាច្រើនដែរ ប៉ុន្ដែលោកមិនអាចមកបាន។ លោកថា ដោយសារតែត្រូវចំណាយពេលវេលាថតយូរពេកដល់ទៅ៣ខែ ធ្វើឲ្យលោកមិនអាចចូលរួមសម្ដែងបាន និងធ្វើឲ្យលោកខុសសន្យាជាមួយអ្នកគាំទ្រដែលទន្ទឹងចាំលោកនៅកម្ពុជា មានការខកចិត្ត។

លោក យស បូវណ្ណៈ និងភរិយា

តារាសម្តែងជើងចាស់រូបនេះអះអាងថា លោកទទួលរឿងគ្រប់យ៉ាង ប៉ុន្តែលោកសុំឲ្យជូនដំណឹងលោកជាមុនយូរបន្តិច។ «បាទ! អូនបងទទួលការថតភាពយន្តអ្វីក៏ដោយ ប៉ុន្តែត្រូវផ្តល់ពេលវេលាឲ្យបងបន្តិច រយៈពេលឲ្យបងដឹងមុន គឺពី៦ខែ ទៅ១ឆ្នាំ ទើបបងអាចដាក់ច្បាប់ការងារ ភ្លាមៗអត់បានទេ ព្រោះប្រព័ន្ធការងារនៅទីនេះចង្អៀត។»

បើទោះជាមានវ័យជ្រេបន្តិចក្តី ក៏តួឯកប្រុសក្នុងរឿង «ព្រានព្រៃដំរីដេញ» ដែលជាតួក្រមិចក្រមើមនៅតែរក្សាបាននូវភាពស្រស់សង្ហាមិនបាក់ស្រុតប៉ុន្មានឡើយ។ មុនពេលលាងដៃដើរចេញជីអាជីពអ្នកសម្ដែងនៅស្រុកខ្មែរ លោក យស វណ្ណៈ ធ្លាប់ចាប់ដៃគូសម្ដែងជាមួយ អ្នកនាង អម្ពរ ទេវី អ៊ុំ សុវណ្ណនី ចាន់ ដារាទី កែវ កល្យាណ សុខ ស្រីមុំ និងតារាល្បីជាច្រើនរូបទៀត៕

អត្ថបទៈ ស្រីអូន

រូបភាពៈ ហ្វេសប៊ុកលោក យស បូវណ្ណៈ