រឿង "យុទ្ធសិល្ប៍ឥន្ទ្រីទេព” នឹងផលិតជាថ្មីប្រជុំសុទ្ធតែតួវ័យមិនទាន់២០

2018-01-19 04:03:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តល្បីគ្រប់រដូវកាលមានចំណងជើងថា "យុទ្ធសិល្ប៍ឥន្ទ្រីទេព” នឹងបង្ហាញខ្លួនជាថ្មីម្ដងទៀត ក្នុងជំនាន់ថ្មី តាមការគ្រោងទុក ហើយរំពឹងថាផលិតមិនឲ្យចាញ់រឿងមុនៗទេ។

នេះគឺជាលើកទី ៩ ហើយ ដែលភាពយន្តយកលំនាំតាមប្រលោមលោក "The Return of the Condor Heroes” នេះត្រូវបានផលិតជាថ្មី។ យោងតាមស្ទូឌីយ៉ូ ដែលកាន់កាប់ការងារថតជំនាន់ថ្មីនេះ ឲ្យដឹងថា ក្រុមការងាររឿង "យុទ្ធសិល្បិ៍ឥន្ទ្រីទេព” នឹងចាប់ផ្ដើមប្រកាសជ្រើសរើសតួសម្ដែងមានអាយុ ខ្ទង់ ១៨ឆ្នាំ និងចាស់ជាងនេះបន្តិច ដើម្បីឲ្យដើរជា តួឯកប្រុសស្រី។ ពួកគេសង្ឃឹមថា តាមរយៈតួអង្គជំទង់ក្មេងៗ នឹងអាចនាំរឿងភាគថ្មីនេះ ឈានទៅរកភាពជោគជ័យ ជាពិសេសនឹងទាក់ភ្នែកអ្នកទស្សនាក្មេងៗជំនាន់ក្រោយបានកាន់តែច្រើន។

ប្រភពព័ត៌មានដដែលបន្តទៀតថា សាច់រឿងនឹងថតតាមទាំងស្រុងពីរឿងដើម ប៉ុន្តែត្រង់ឈុតខ្លះនឹងត្រូវផ្លាស់ប្ដូរបន្តិចបន្តួច ដើម្បីឲ្យកាន់តែមានភាពទាក់ទាញថ្មី។ កន្លងមកភាពយន្តភាគបុរាណនេះ តែងទទួលបានការគាំទ្រគ្រប់សម័យកាល និងត្រូវបានផលិតករលើកយកមកផលិតជាច្រើនជំនាន់ ពោលគឺតាំងពីអំឡុងឆ្នាំ ១៩៧៦មកម្ល៉េះ។ ជាមួយគ្នានោះ រឿងផលិតលើកចុងក្រោយគឺក្នុងឆ្នាំ ២០១៤ ជាការសម្ដែងដោយតារាសម្ដែង Chen Xiao និង Michelle Chen៕

ចុចអាន៖ មកស្គាល់តួប្រុសស្រីក្នុងរឿង "យុទ្ធសិល្ប៍ឥន្ទ្រីទេព ទាំង ៩ជំនាន់

ប្រភព៖ jaynestars ប្រែសម្រួល៖ យី សុធារី