មហិមាណាស់! សេដ្ឋី Bill Gates ចេញមុខសងបំណុល ៧៦ លានដុល្លារឲ្យប្រទេសមួយនៅអាហ្រ្វិក

2018-01-19 04:22:25
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលមហាសេដ្ឋីក្នុងលោក លោក Bill Gates រួមជាមួយនឹងភរិយា នឹងសងបំណុល ៧៦ លានដុល្លារជំនួសរដ្ឋាភិបាលប្រទេសនីហ្សេរីយ៉ា តាមរយៈមូលនិធិរបស់ខ្លួន។ ការសងបំណុលដែលនឹងធ្វើឡើងរយៈពេល ២០ ឆ្នាំ នឹងចាប់ផ្ដើមពីឆ្នាំ ២០១៨ នេះ។

កាលពីឆ្នាំ ២០១៤ ប្រទេសនីហ្សេរីយ៉ាបានខ្ចីលុយប្រទេសជប៉ុនដើម្បីផ្គត់ផ្គង់លើយុទ្ធនាការទប់ស្កាត់ជំងឺឆ្លងមួយប្រភេទឈ្មោះ Polio (ជំងឺមេរោគក្នុងឆ្អឹងខ្នង)។ មូលនិធិ Bill & Melinda Gates បានយល់ព្រមថានឹងចេញមុខសងទឹកប្រាក់ដែលបានខ្ចីនោះ ក្រោយពីយុទ្ធនាការរបស់រដ្ឋាភិបាលនីហ្សេរីយ៉ាទទួលបានជោគជ័យ។

សហស្ថាបនិកក្រុមហ៊ុន Microsoft បានលើកឡើងកាលពីថ្មីៗនេះថា ៣០ ឆ្នាំមុន ជំងឺ Polio កើតមាន ៣៥០ ០០០ ករណីទូទាំងពិភពលោក ហើយឆ្នាំមុនតួលេខនេះបានធ្លាក់ចុះមកនៅត្រឹម ២១ ករណីប៉ុណ្ណោះ។

គួរដឹងថានៅក្នុងឆ្នាំ ២០១៧ មូលនិធិរបស់លោក Bill Gates បានចំណាយ ៣ ពាន់លានដុល្លារដើម្បីជួយទប់ស្កាត់ការសាយភាយជំងឺនៅលើពិភពលោក ហើយបានចាត់ទុកជំងឺ Polio ជាមុខសញ្ញាសំខាន់មួយ៕

ប្រភព៖ CNBC ប្រែសម្រួល៖ សុខហេង