ផលិតកម្ម SM ប្រកាសចេញអាល់ប៊ុមពិសេសរបស់ Jonghyun
- 2018-01-21 02:25:25
- ចំនួនមតិ 0 | ចំនួនចែករំលែក 0
ផលិតកម្ម SM ប្រកាសចេញអាល់ប៊ុមពិសេសរបស់ Jonghyun
ចន្លោះមិនឃើញ
ផលិតកម្ម SM បានចេញសេចក្ដីប្រកាសមួយទាក់ទងនឹងគម្រោងបញ្ចេញអាល់ប៊ុមរបស់ Jonghyun មានចំណងជើងថា "Poet | Artist” ដែលបានថតចប់រួចរាល់មុន មុនលោកទទួលមរណភាព។
នៅលើគណនី Twitter របស់ SHINee ផលិតកម្ម SM បានប្រកាសជាផ្លូវការ ពាក់ព័ន្ធនឹងព័ត៌មានលម្អិតរបស់គម្រោងចេញអាល់ប៊ុមរបស់ Jonghyun។ សេចក្ដីប្រកាសនោះមានខ្លឹមសារថា៖
“សួស្ដី! នេះគឺផលិតកម្ម SM, យើងចង់ជម្រាបជូនថា ខាងផលិតកម្មមានគម្រោងចេញអាល់ប៊ុមជាពិសេសសម្រាប់អ្នកគាំទ្រទាំងអស់ដែលស្រឡាញ់ Jonghyun ក៏ដូចជាចម្រៀងរបស់លោក។ យើងសម្រេចបញ្ចេញសមិទ្ធផលដែលយើង បង្កើតជាមួយ Jonghyun កាលពីឆ្នាំមុននេះ តាមការគ្រោងទុកដែលថាត្រូវចេញនៅដើមឆ្នាំ។ អាល់ប៊ុម 'Poet | Artist' របស់ Jonghyun នឹងបង្ហាញខ្លួននៅថ្ងៃទី ២៣ ខែមករា វេលាម៉ោង ១២ថ្ងៃត្រង់។ យើងសង្ឃឹមថា ទឹកចិត្តស្រឡាញ់របស់ Jonghyun ចំពោះតន្ត្រី គឺធំធេងជាងអ្នកណាទាំងអស់ ព្រោះលោកបានប្រឹងប្រែងធ្វើការលើការងារនេះណាស់ ក្នុងបំណងផ្សារភ្ជាប់អារម្មណ៍តាមរយៈតន្ត្រី ទៅកាន់អ្នកទាំងអស់គ្នា។ ជាមួយគ្នានេះដែរ យើងនឹងប្រគល់នូវទឹកប្រាក់ដែលទទួលបានពីការលក់អាល់ប៊ុមទាំងនោះ ជូនចំពោះម្ដាយរបស់ Jonghyun ក៏ដូចជាបង្កើតមូលនិធិ ឫអង្គការមួយ ដើម្បីជួយអ្នកដែលរស់នៅក្នុងស្ថានភាពលំបាក។ សូមអរគុណ"។
ជាការពិត កន្លងទៅអស់រយៈពេល ១ខែជាងហើយ ដែលតារាប្រុសគួរឲ្យស្រឡាញ់ Jonghyun បានឃ្លាតពីអ្នកគ្រប់គ្នាទៅទីដ៏សែនឆ្ងាយ។ លោកត្រូវបានចាត់ទុកជាតារាប្រុសដែលឆ្លងកាត់ឧបសគ្គច្រើន ប៉ុន្តែចំពោះអ្នកគាំទ្រ ឫមនុស្សជុំវិញខ្លួន លោកតែងបង្ហាញនូវស្នាមញញឹមជានិច្ច។ រហូតដល់ថ្ងៃ លោកសម្រេចបញ្ចប់អ្វីៗគ្រប់យ៉ាង ទើបគ្រប់គ្នាដឹងច្បាស់ពីផលលំបាកលោកជួបប្រទះ វាធំធេងកម្រិតណា៕