ខ្លាំងមែន! U23 វៀតណាមបំបែកកំណត់ត្រាឡើងទៅវគ្គ ១/២ ពាន AFC

2018-01-21 03:03:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ U23 វៀតណាម បានបំបែកកំណត់ត្រារបស់ខ្លួនក្នុងការឡើងទៅលេងវគ្គពាក់កណ្ដាលផ្ដាច់ព្រ័ត្រ (១/២ ) ក្នុងពានរង្វាន់ AFC U23 Championship ជាលើកដំបូងក្នុងឆ្នាំ២០១៨ ក្រោយយកឈ្នះ អ៊ីរ៉ាក់ ដោយបាល់កាត់សេចក្ដីប៉េណាល់ទី៥-៣ ល្ងាចម្សិលមិញ។

U-23 វៀតណាម អបអរ

ក្រុមបាល់ទាត់ U23 វៀតណាម ជាក្រុមខ្លាំងមួយក្នុងតំបន់អាស៊ាន និងធ្លាប់ចូលរួមការប្រកួតពានរង្វាន់ធំៗជាច្រើនមានដូចជា អូឡាំពិក, Asian Games, ស៊ីហ្គេម, AFF U23 Youth Championship និង AFC U23 Championship ជាដើម។

ប្រវត្តិសាស្ត្ររបស់ក្រុមនេះមិនធ្លាប់ឡើងដល់វគ្គ ១/២ នៃពានរង្វាន់ AFC U23 Championship នេះឡើយ ដោយធ្លាប់ធ្វើបានល្អបំផុតកាលពីឆ្នាំ២០១៦ ធ្លាក់ត្រឹមវគ្គជម្រុះតាមពូលប៉ុណ្ណោះ។ ប៉ុន្តែឆ្នាំ២០១៨ នេះពួកគេបានបំបែកកំណត់ត្រា ដោយឡើងដល់វគ្គ ១/២ ដោយទម្លាក់ក្រុមខ្លាំងអ៊ីរ៉ាក់ ក្រោយស្មើ៣-៣ និងកាត់សេចក្ដីដោយបាល់ប៉េណាល់ទី។

ប្រកួតបន្ទាប់ក្នុងពានរង្វាន់ខាងលើ ក្រុមនេះនឹងត្រូវតទល់ជាមួយក្រុម U23 ហ្កាតា នាថ្ងៃទី២៣ ខែមករា ម៉ោង ៦:៣០ នាទីល្ងាចក្នុងវគ្គពាក់កណ្ដាលផ្ដាច់ព្រ័ត្រ៕