ល្បីថា Hangeng និង Super Junior ជួបគ្នាជាថ្មី?
- 2018-01-21 04:12:00
- ចំនួនមតិ 0 | ចំនួនចែករំលែក 0
ល្បីថា Hangeng និង Super Junior ជួបគ្នាជាថ្មី?
ចន្លោះមិនឃើញ
ថ្មីៗមានព័ត៌មានផ្សាយថា ក្រោយចេញពីក្រុមអស់រយៈពេល ៨ឆ្នាំមក តារាចម្រៀងសញ្ជាតិចិន Han Geng និងក្រុម Super Junior នឹងវិលជួបគ្នាជាថ្មី។
ទាក់ទងនឹងព័ត៌មាននេះ អ្នកតំណាងរបស់តារាចម្រៀងវ័យ ៣៣ឆ្នាំរូបនេះ បានច្រានចោល ដោយបញ្ជាក់វិញថា មិនមែនជារឿងពិតឡើយ។ យោងតាមបណ្ដាញផ្សព្វផ្សាយរបស់កូរ៉េ មានប្រភពជិតស្និទ្ធលួចបង្ហើបថា ក្រុមចម្រៀងបុរស Super Junior ត្រូវបានអញ្ជើញចូលរួមក្នុងកម្មវិធីទូរទស្សន៍ "Street Dance of China” ប៉ុន្តែមិនទាន់បង្ហាញជាផ្លូវការនៅឡើយ។ ជាមួយគ្នានោះ អតីតសមាជិកក្រុម K-Pop នេះ គឺ Hangeng ក៏ត្រូវចូលរួមក្នុងកម្មវិធីនោះដែរ ដូចនេះវាជាឱកាសពិសេសសម្រាប់ តារាប្រុសរូបនេះ ជួបជុំជាថ្មីជាមួយអតីតក្រុម។
ផ្ទុយពីការលើកឡើងនោះ ខាងអ្នកតំណាងរបស់ Hangeng បានបញ្ជាក់ថា ពួកគេមិនបានទទួលព័ត៌មានពីការអញ្ជើញអ្វីឡើយ ហើយសុំបដិសេធទាំងស្រុងនូវពាក្យមិនពិតទាំងនោះ រហូតធ្វើឲ្យអ្នកគាំទ្ររបស់ក្រុម Super Junior ទាំងអស់ខកចិត្តជាខ្លាំង។
ទោះជាយ៉ាងណាក្ដី ភាគីទាំងសងខាងនៅតែនឹករលឹកគ្នា បើទោះចែកផ្លូវគ្នាដើរក៏ពិតមែន ប៉ុន្តែរវាង សមាជិកក្រុម Super Junior បច្ចុប្បន្ន និង Hangeng នៅតែរាប់អានគ្នា។ តួយ៉ាងកាលពីអំឡុងពេលប្រគំតន្ត្រី "Super Junior World Tour Super Show 7” ធ្វើឡើងថ្ងៃទី ១៧ ខែធ្នូកន្លងទៅ Lee Teuk បានបង្ហើរពាក្យ១ឃ្លា ហាក់បង្ហាញអារម្មណ៍នឹករលឹក Hangeng។ ក្រោយមក Hangeng ក៏បានឆ្លើយតបតាមគណនី Weibo ថា លោកនឹកពួកគេ (Super Junior) ដូចគ្នា៕