YouTube បន្ថែមមុខងារថ្មីមួយទៀត នឹងធ្វើឲ្យអ្នករកលុយកាន់តែវេទនាចិត្ត

2018-01-22 02:32:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន YouTube បានប្រកាសពីការបញ្ចេញមុខងារថ្មីឲ្យឈ្មោះ Intelligence Desk ដែលអាចត្រួតពិនិត្យវីដេអូល្មើសលក្ខខណ្ឌបានកាន់តែលឿន មុនវីដេអូទាំងនោះចេញផ្សាយលើគេហទំព័រជាសាធារណៈ។

មុខងារថ្មីនឹងធ្វើការរួមគ្នាជាមួយបណ្ដាបុគ្គលិកនៃក្រុមហ៊ុន YouTube ផ្ទាល់, បុគ្គលិកភាគីទីបី និងបច្ចេកវិទ្យា AI ឆ្លងកាត់ទិន្នន័យពី Google ក៏ដូចជាបណ្ដាញសង្គម បន្ថែមពីរបាយការណ៍នៃអ្នកប្រើប្រាស់។ គ្រប់វីដេអូទាំងអស់ មុននឹងអាចបង្ហោះចេញទៅបាន ត្រូវឆ្លងកាត់ការត្រួតពិនិត្យសិន បើករណីវីដេអូនោះល្មើសគោលការណ៍ណាមួយរបស់ក្រុមហ៊ុន ភ្លាមៗវីដេអូនឹងត្រូវរក្សាទុក និងពុំអនុញ្ញាតឲ្យបង្ហោះចេញបានឡើយ។

គូសបញ្ជាក់ថាការរឹតបន្តឹងនេះ ត្រូវបានធ្វើឡើងជាបន្តបន្ទាប់ ក្រោយពេលម្ចាស់គណនីល្បីឈ្មោះ Logan Paul បានបង្ហោះវីដេអូរងការរិះគន់យ៉ាងចាស់ដៃ ទាក់ទងនឹងសាកសពមនុស្សចងកនៅក្នុងព្រៃប្រទេសជប៉ុន ក្រោមចំណងជើង Suicide Forest។

>>ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ AndroidHeadlines ប្រែសម្រួល៖ កៅ រក្សា