ហាងលក់ទំនិញប្រើបច្ចេកវិទ្យា AI ដំបូងគេក្នុងលោកបង្ហាញខ្លួននៅអាមេរិក
- 2018-01-23 03:05:19
- ចំនួនមតិ 0 | ចំនួនចែករំលែក 0
ហាងលក់ទំនិញប្រើបច្ចេកវិទ្យា AI ដំបូងគេក្នុងលោកបង្ហាញខ្លួននៅអាមេរិក
ចន្លោះមិនឃើញ
ក្រុមហ៊ុនលក់ទំនិញ Amazon បានបើកដំណើរការហាងលក់ទំនិញដំបូងគេក្នុងដែលប្រើបច្ចេកវិទ្យា AI ដោយមិនត្រូវការបុគ្គលិកប្រចាំការនៅក្នុងហាងនោះទេ។
ហាងទំនិញនេះមានប្រើបច្ចេកវិទ្យា AI ដោយមុននឹងចូលទិញទំនិញអតិថិជនគ្រាន់តែដំឡើងកម្មវិធីមួយរបស់ Amazon បន្ទាប់មកត្រូវស្កេន QR Code ជាការ Check-In។ នៅពេលទិញទំនិញរួចរាល់អតិថិជនគ្រាន់តែដើរចេញជាការស្រេច ដោយបច្ចេកវិទ្យាទំនើបនឹងធ្វើការទូទាត់សាច់ប្រាក់ជាមួយគណនីធនាគាររបស់អតិថិជនភ្លាមៗ។ អតិថិជនមិនចាំបាច់ទាញកន្ត្រកដើម្បីមកដាក់ឥវ៉ាន់ដែលពួកគេចង់ទិញនោះទេ ព្រោះគ្រាន់តែទិញហើយពួកគេអាចដើរចេញពីហាងភ្លាម មិនចាំបាច់ឆ្លងកាត់ការគិតលុយលើមុខទំនិញមួយៗដូចមុន។
ហាងទំនើបនេះមានបំពាក់ដោយកាមេរ៉ារាប់រយគ្រឿង និង Sensor អេឡិចត្រូនិកជាច្រើនដើម្បីចំណាំមុខអតិថិជននីមួយៗ និងអាចតាមដានពីទំនិញដែលអតិថិជនរូបនោះបានទិញ។ ជាមួយនឹង Sensor អេឡិចត្រូនិក ទំនិញនឹងត្រូវបញ្ចូលទៅក្នុងគណនីនៃកម្មវិធី Amazon Go នៅពេលដែលអតិថិជនរើសយកទំនិញឡើង ហើយក៏នឹងលុបចោលវិញនៅពេលដែលអតិថិជនដាក់ទំនិញចុះវិញ។
ហាងលក់ទំនិញដ៏ទំនើបនេះបានបើកដំណើរការសម្រាប់ឲ្យបុគ្គលិករបស់ខ្លួនសាកល្បងតាំងពីខែធ្នូ ឆ្នាំ ២០១៦ ហើយរំពឹងថានឹងដំណើរការជាសាធារណនាពេលឆាប់ៗ។ ប៉ុន្តែដោយសារបញ្ហាបច្ចេកទេសមួយចំនួន ដូចជាការចំណាំដងខ្លួនអតិថិជនដែលមានលក្ខណៈស្រដៀងគ្នា និងការដាក់ទំនិញខុសកន្លែងដើមជាដើម ទើបត្រូវពន្យារពេលយ៉ាងយូរ។
ក្រៅពីហាងទំនើបដែលមានទីតាំងនៅទីក្រុង Seattle រដ្ឋ Washington សហរដ្ឋអាមេរិកមួយនេះ ក្រុមហ៊ុន Amazon មិនបាននិយាយពីគម្រោងបើកដំណើរការហាងនេះនៅទីតាំងដទៃនៅឡើយទេ៕