ខ្យល់គ ពេលឃើញវីដេអូបង្ហាញពីទម្លាប់អាក្រក់ឡើងដុះស្លែ អ្នកបើកបរនៅភ្នំពេញ
- 2018-01-25 05:06:54
- ចំនួនមតិ 0 | ចំនួនចែករំលែក 0
ខ្យល់គ ពេលឃើញវីដេអូបង្ហាញពីទម្លាប់អាក្រក់ឡើងដុះស្លែ អ្នកបើកបរនៅភ្នំពេញ
ចន្លោះមិនឃើញ
កាលពីប៉ុន្មានថ្ងៃមុននេះ Sabay បានចុះទៅថតវីដេអូខ្លីមួយពីសកម្មភាពធ្វើចរាចរណ៍របស់បងប្អូនប្រជាពលរដ្ឋនៅរាជធានីភ្នំពេញ។
ក្នុងនោះសង្កេតឃើញថា ប្រជាពលរដ្ឋមួយចំនួនហាក់ខ្វះសីលធម៌ក្នុងការបើកបរ មិនចេះអធ្យាស្រ័យឲ្យគ្នា មិនដឹងច្បាប់ទម្លាប់ សម្រុករុលទៅមុខយកឈ្នះរៀងខ្លួន បើកបរបញ្ច្រាសទិស បើកបរខុសគន្លង។ទាំងនេះអាចនិយាយថា ជាទម្លាប់ដដែលៗរបស់ពលរដ្ឋខ្មែរមួយចំនួនធំនៅលើដងផ្លូវ ហើយសុទ្ធជាមូលហេតុធ្វើឲ្យបាត់បង់សណ្ដាប់ធ្នាប់បង្កឲ្យកកស្ទះ និងគ្រោះថ្នាក់ចរាចរណ៍ជាដើម។
ទស្សនាវីដេអូខាងក្រោមនេះ៖
ទាក់ទងនឹងបញ្ហានេះដែរ បើតាមសម្តេច ស ខេង បានមានប្រសាសន៍ថា តាមរយៈលទ្ធផលនៃកិច្ចខិតខំប្រឹងប្រែងរបស់នគរបាល ក្នុងឆ្នាំ២០១៧បានកាត់បន្ថយគ្រោះថ្នាក់ចរាចរណ៍ចំនួន ១៦៩លើក ស្មើ៤.៦% និងបានកាត់បន្ថយអ្នករបួស ១០៦៨នាក់ ស្មើ១៦% បើប្រៀបធៀបក្នុងរយៈពេលដូចគ្នានៅឆ្នាំ២០១៦។ ប៉ុន្តែឆ្នាំ២០១៧ ចំនួនអ្នកស្លាប់បានកើនឡើងចំនួន ៦៣នាក់ បើប្រៀបធៀបនឹងឆ្នាំ២០១៦។
រដ្ឋមន្ត្រីក្រសួងមហាផ្ទៃ បានលើកឡើងថា ផ្អែកលើទិន្នន័យគ្រោះថ្នាក់ចរាចរណ៍ផ្លូវគោកបានបង្ហាញថា ៧៧% នៃជនរងគ្រោះដែលស្លាប់ដោយសារគ្រោះថ្នាក់ចរាចរណ៍ផ្លូវគោក គឺជាអ្នកប្រើប្រាស់ទោចក្រយានយន្ត ដែលក្នុងនោះមានអ្នករងគ្រោះដល់ទៅ ៧៨% ដែលមិនពាក់មួកសុវត្ថិភាព ហើយគ្រោះថ្នាក់ចរាចរណ៍ដោយម៉ូតូច្រើនជាងគេ៕