បឹងកេត ចុះបញ្ជីកីឡាករបរទេសថ្មីតែម្នាក់គត់សម្រាប់ត្រៀម AFC Cup
- 2018-01-26 03:12:18
- ចំនួនមតិ 0 | ចំនួនចែករំលែក 0
បឹងកេត ចុះបញ្ជីកីឡាករបរទេសថ្មីតែម្នាក់គត់សម្រាប់ត្រៀម AFC Cup
ចន្លោះមិនឃើញ
លោក ហៅ សុជាតិ គ្រូជំនួយរបស់ក្លឹបបឹងកេត បានអះអាងថា ក្លឹបរបស់លោក បានចុះបញ្ជីរួចរាល់ក្នុងនាំយកកីឡាករបរទេសថ្មីតែម្នាក់គត់គឺ Julius ក្នុងការត្រៀមលេងវគ្គជម្រុះ AFC Cup 2018 ។
ការប្រកួតវគ្គជម្រុះនេះក្រុមបឹងកេត នឹងត្រូវតតាំងជាមួយ Lao Toyota FC ចំនួនពីរជើងដែលជើងទី១ ធ្វើឡើងនៅថ្ងៃទី២៩ ខែមករា ឆ្នាំ២០១៨ នៅពហុកីឡដ្ឋានជាតិ និងជើងទី២ ធ្វើឡើងនៅថ្ងៃ២ ខែកុម្ភៈ ឆ្នាំ២០១៨ នៅទឹកដីរបស់ក្រុមឡាវ។
ទាក់ទងការចុះបញ្ជីកីឡាករបរទេសថ្មីរបស់បឹងកេត លោក ហៅ សុជាតិ បាននិយាយថា ក្រុមរបស់លោកបាននាំយកតែ Julius ម្នាក់គត់មកបន្ថែម ដើម្បីជួយក្រុមក្នុងការលេងពានរង្វាន់ខាងលើ។ ដូច្នេះកីឡាករបទេសរបស់ពួកគេមាន Maycon Calijuri, Esoh Paul Omogba, Hikaru Mizuno និង Julius។ ស្របពេល Gbenga គឺបានផុតកុងត្រាត្រឹមចប់ជើងទី២ នៃលីគកំពូលរដូវកាល២០១៧។
ពានរង្វាន់នេះដំបូងឡើយ បឹងកេតត្រូវប្រកួតនៅវគ្គចែកពូល ប៉ុន្តែដោយសារ Lao Toyota FC ឈ្នះបណ្ដឹងតវ៉ាជុំវិញបញ្ហាលក់គ្រាប់របស់ខ្លួន ធ្វើឲ្យបឹងកេតត្រូវប្រកួតជម្រុះជាមួយក្រុមរបស់ឡាវមួយនេះវិញ៕