ស៊ីម៉ងត៍ SCG តួលេខលក់កើនឡើងខ្លាំង ស្របពេលទីផ្សារកំពុងប្រជែងគ្នា

2018-01-26 04:00:34
ចំនួនមតិ 0 | ចំនួនចែករំលែក 0

ចន្លោះមិនឃើញ

SCG បានប្រកាសពីលទ្ធផលលក់ស៊ីម៉ងត៍ដ៏ពេញចិត្តមួយសម្រាប់ក្រុមហ៊ុនក្នុងឆ្នាំ២០១៧ ដោយលក់បាន ៣៤៤លានដុល្លារ ហើយគិតត្រឹមត្រីមាសទី៤ លក់បានច្រើនជាងមុន ២៦% ស្មើនឹងទឹកប្រាក់ ៩១លានដុល្លារ បើធៀបនឹងពេលដូចគ្នានៃឆ្នាំ២០១៦ ដែលរាប់បញ្ចូលការនាំចេញពីខ្មែរ និងនាំចូលពីថៃ។

លោក Roongrote Rangsiyopash ប្រធាន និងនាយកប្រតិបត្តិ SCG បាននិយាយថា៖ "លទ្ធផលប្រតិបត្តិការប្រចាំឆ្នាំ ២០១៧ របស់ SCG ត្រូវបានចាត់ទុកជាលទ្ធផលពេញចិត្ត បើទោះជាមានការប្រកួតប្រជែងខ្លាំងទាំងនៅក្នុងស្រុក និងនៅថ្នាក់តំបន់ក៏ដូចជា កំណើនលើចំណាយសម្រាប់វត្ថុធាតុដើម និងការឡើងថ្លៃនៃតម្លៃប្រាក់បាត ដែលបានប៉ះពាល់មកលើអាជីវកម្មរបស់ក្រុមហ៊ុន"។

លោក Roongrote Rangsiyopash

សម្រាប់ឆ្នាំ ២០១៨ នឹងមានបញ្ហាប្រឈមមួយចំនួនដូចជា កំណើននៃការចំណាយលើវត្ថុធាតុដើមសម្រាប់ផលិតផលគីមី និងឧស្សាហកម្មវេចខ្ចប់ កំណើនការចំណាយលើថាមពល និងការកើនឡើងតម្លៃប្រាក់បាត ក៏ដូចជាការប្រកួតប្រជែងស្វិតស្វាញនៅក្នុងតំបន់ ហើយ SCG នឹងបន្តពង្រីកអាជីវកម្ម សេវាកម្មរបស់ខ្លួន ដោយប្រើប្រាស់បច្ចេកវិទ្យាស្វ័យប្រវត្តិ និងមនុស្សយន្តដើម្បីបង្កើនប្រសិទ្ធភាពរបស់អាជីវកម្ម។ នេះបើតាមការលើកឡើងរបស់នាយកប្រតិបត្តិខាងលើ។

ក្រុមហ៊ុនដែលមានរោងចក្រស៊ីម៉ងត៍នៅក្នុងប្រទេស ៦ ហើយអាចផលិតសរុប ៣៣,៦ លានតោនក្នុងមួយឆ្នាំនេះ ក៏បានបញ្ចេញស៊ីម៉ងត៍បូក Super K មានចំណុះ ៤០គីឡូក្រាម តែប្រសិទ្ធភាពស្មើនឹងស៊ីម៉ងត៍បូកធម្មតា ៥០គីឡូក្រាម ដែលជាផលិតក្រុមហ៊ុនកំពតស៊ីម៉ងត៍ (ក្រុមហ៊ុនបុត្រសម្ព័ន្ធ SCG)៕