វៀតណាមឲ្យពូជគ្រាប់ស្វាយចន្ទីដល់កម្ពុជា ពេលដាំបាន ដឹងថាលក់ឲ្យប្រទេសណាវិញអត់?
- 2018-01-26 04:10:34
- ចំនួនមតិ 0 | ចំនួនចែករំលែក 0
វៀតណាមឲ្យពូជគ្រាប់ស្វាយចន្ទីដល់កម្ពុជា ពេលដាំបាន ដឹងថាលក់ឲ្យប្រទេសណាវិញអត់?
ចន្លោះមិនឃើញ
សមាគមស្វាយចន្ទីវៀតណាម បានយល់ព្រមផ្ដល់ប្រភេទពូជស្វាយចន្ទី រួមទាំងគាំទ្របច្ចេកទេស និងប្រមូលទិញផលិតផលស្វាយចន្ទីពីកសិករ ឬសហគមន៍កសិកម្មកម្ពុជាវិញ តាមរយៈគោលការណ៍ផលិតកម្មកសិកម្មតាមកិច្ចសន្យា។
គម្រោងផ្ដល់គ្រាប់ពូជស្វាយចន្ទីនេះធ្វើឡើង ក្រោយពីភាគីកម្ពុជា តំណាងដោយក្រសួងកសិកម្ម និងសមាគមស្វាយចន្ទីវៀតណាម បានចុះអនុស្សរណៈយោគយល់គ្នា ស្ដីពីការជំរុញផលិតកម្មស្វាយចន្ទីកម្ពុជាសម្រាប់ការនាំចេញ កាលពីថ្ងៃទី ១៧ ខែមករា ឆ្នាំ ២០១៨ កន្លងទៅ។
ហេតុដូច្នេះដើម្បីបង្កើនផលិតកម្មដំណាំ និងតម្រូវការទីផ្សារនៃផលិតផលស្វាយចន្ទីឲ្យកើនឡើងបន្ថែមទៀតនោះ រដ្ឋមន្ត្រីក្រសួងកសិកម្ម ឯកឧត្តម វេង សាខុន បានចេញសេចក្ដីប្រកាសដាក់ចេញវិធានការ និងណែនាំមន្ត្រីជំនាញពាក់ព័ន្ធឲ្យខិតខំយកចិត្តទុកដាក់បង្កើនផលិតកម្មដំណាំស្វាយចន្ទី ដើម្បីបំពេញដល់តម្រូវការទីផ្សារ ។
យ៉ាងណាមីញ ក្រសួងកសិកម្ម នៅមិនទាន់បង្ហើបពីការកំណត់តម្លៃ និបរិមាណស្វាយចន្ទីម្រាប់លក់ឲ្យភាគីវៀតណាមនៅឡើយ ខណៈការដាំដុះដំណាំស្វាយចន្ទីបច្ចុប្បន្នមានប្រមាណ ៦៤ ៨០០ ហិកតាលើផ្ទៃដីសរុបទូទាំងប្រទេស។
គួររំលឹកថា សមាគមស្វាយចន្ទីវៀតណាម បានប្រមូលទិញគ្រាប់ស្វាយចន្ទីពីកម្ពុជាប្រមាណ ១០ម៉ឺនតោន ខណៈដែលកម្ពុជាមានសមត្ថភាពផលិតបាន ១០,៤២ម៉ឺនតោន នៅក្នុងឆ្នាំ២០១៦ ដោយអាចចាត់ទុកបានថា វៀតណាមជាអតិថិជនទិញស្វាយចន្ទីតែមួយគត់របស់កម្ពុជា។
បន្ថែមពីនេះ សមាគមស្វាយចន្ទីវៀតណាម ចាត់ទុកខ្លួនឯងថាជាក្រុមហ៊ុននាំចេញគ្រាប់ស្វាយចន្ទីធំជាងគេនៅលើពិភពលោកនៅក្នុងឆ្នាំ២០១៧ ដោយក្រុមហ៊ុនបាននាំចេញគ្រាប់ស្វាយចន្ទីកែច្នៃចំនួន ១,៦លានតោន ទន្ទឹមនឹងតម្រូវការពិភពលោកមានចំនួន ៣ លានតោន៕