ខ្លាចកូនខ្មែរមិនស្គាល់ឧបករណ៍ភ្លេងបុរាណ រថយន្តតន្ត្រីទិព្វបង្កើនការចុះផ្សព្វផ្សាយ

2018-01-26 06:17:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ធ្លាប់មានតែ៣ ឬ៤លើកក្នុង១ឆ្នាំ ដើម្បីចុះទៅបង្ហាញសិល្បៈបុរាណបានម្ដង ប៉ុន្តែចាប់ពីពេលនេះរថយន្តតន្ត្រីទិព្វ ប្ដូរសកម្មភាពផ្សព្វផ្សាយក្នុង១ខែពី២ដងវិញ គឺដើមខែ និងចុងខែ។

អ្នកនាង ថន សីមា សហស្ថាបនិក និងអ្នករៀបចំកម្មវិធីសិល្បៈក្នុងក្រុមរថយន្តតន្ត្រីទិព្វ បានប្រាប់ថា ក្រោយពីរថយន្តតន្រ្តីទិព្វ សហការគ្នាជាមួយអង្គការ សិល្បៈខ្មែរអមតៈ កម្មវិធីចុះទៅផ្សព្វផ្សាយឧបករណ៍បុរាណនៅតាមខេត្ត មានច្រើនជាងមុន។

សកម្មភាពចុះផ្សព្វផ្សាយរបស់រថយន្តតន្ត្រីទិព្វខ្មែរ

អ្នកស្រីបានបន្តថា មិនត្រឹមតែចុះផ្សព្វផ្សាយទេ ប៉ុន្តែក្រុមមួយនេះក៏ធ្វើការស្រាវជ្រាវ បង្កើតថ្នាក់បង្រៀនសិល្បៈបុរាណផងដែរ។ សកម្មភាពទាំងនេះ គឺដើម្បីថែរក្សា និងឲ្យកូនខ្មែរបានស្គាល់ពីឧបករណ៍សិល្បៈបុរាណ។«អូនពេលបងចុះទៅផ្សព្វផ្សាយទាំងក្មេងទាំងចាស់ពេលខ្លះលោកមិនស្គាល់សិល្បៈ និងឧបករណ៍បុរាណផងហ្នឹង។ ឧទាហរណ៍បងលើកចាប៉ី នាំគាត់ហៅទ្រទៅវិញក៏មាន បងមិនសប្បាយចិត្តទេ បងខ្លាចបាត់បង់ ទើបពួកយើងសង្ឃឹមថាក្រោយពីមានការចុះផ្សាយច្រើន អាចបង្កើនការយល់ដឹង និងគាំទ្រពីសិល្បៈបុរាណ»។

អ្នកនាង ថន សីមា អ្នករៀបចំកម្មវិធីសិល្បៈក្នុងក្រុមរថយន្តតន្រ្តីទិព្វ

រថយន្តតន្ត្រីទិព្វខ្មែែរបង្កើតឡើងក្នុងឆ្នាំ២០១៣ បានចេញទៅចុះផ្សាយ ស្ទើរគ្រប់ភូមិស្រុកខេត្តក្រុងក្នុងប្រទេសកម្ពុជានូវសិល្បៈ និងឧបករណ៍បុរាណខ្មែរ រួមមាន ទ្រខ្សែខ្មែរ៣ ចាប៉ី សាដៀវ គែន វង់ភ្លេងស្គរថូន ភ្លយ ជាដើម៕

អត្ថបទៈ ស្រីអូន