Sanchez ល្អមែន ថ្ងៃដំបូងជួយបិសាចក្រហមឈ្នះ ៤-០
- 2018-01-27 01:23:31
- ចំនួនមតិ 0 | ចំនួនចែករំលែក 0
Sanchez ល្អមែន ថ្ងៃដំបូងជួយបិសាចក្រហមឈ្នះ ៤-០
ចន្លោះមិនឃើញ
ខ្សែបម្រើប្រយុទ្ធ Alexis Sanchez បានបង្ហាញខ្លួនក្នុងប្រកួតដំបូងឲ្យក្លឹប Manchester United ហើយ កាលពីយប់មិញនេះ ហើយអាចជួយក្រុមយកឈ្នះលើ Yeovil Town ក្នុងលទ្ធផល ៤-០ ថែមទៀត។
ក្នុងការប្រកួតដំបូងនេះដែរ គេមើលឃើញថាអតីតកីឡាករ Arsenal រូបនេះធ្វើបានល្អ ដោយអាច Assist ឲ្យមិត្តរួមក្រុមរកគ្រាប់បាល់ និងមានការសហការគ្នាជាមួយកីឡាករដទៃបានល្អ។ ក្រោយពីចប់ការប្រកួត លោក Jose Mourinho បាននិយាយដែរថា៖ “នេះជាប្រកួតដំបូងរបស់គាត់។ គាត់ធ្វើមិនទាន់បានពេញទម្រង់នៅឡើយទេ ប៉ុន្តែគាត់ពិតជាអាចជួយយើងបានច្រើនមែន។ ខ្ញុំសប្បាយចិត្ត”។
ខ្សែប្រយុទ្ធកម្ពស់ទាប មាឌមាំ បានស៊ុតបញ្ចូលទី៨០គ្រាប់ឲ្យ Arsenal ចាប់តាំងផ្ទេរពី Barcelona ក្នុងតម្លៃ៣០លានផោនកាលពីឆ្នាំ២០១៤។ រូបគេបានចុះកុងត្រា៤ឆ្នាំកន្លះជាមួយក្រុមបិសាចក្រហម ដោយទទួលបានថ្លៃនឿយហត់ ១៤លានផោនក្នុងមួយឆ្នាំ (ប្រាក់ដុលក្រោយបង់ពន្ធរួច)៕