អបអរ! កំពូលតួឯកស្រីរឿង "ទេពមច្ឆាឆ្លងជាតិ" សម្រាលកូនទី ២ហើយ

2018-01-29 01:27:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីទទួលជោគជ័យមិនធម្មតា តាមរយៈរឿងភាគល្បី "Legend Of The Blue Sea” តារាសម្ដែងស្រីឆ្នើម Jun Ji Hyun ក៏ចាប់ផ្ដើមមានទម្ងន់កូនទី ២ ហើយពេលនេះដែរ កូនប្រុសរបស់នាងក៏បានសម្រាលប្រកបដោយសុវត្ថិភាព។

កាលពីថ្ងៃទី ២៦ ខែមករា ឆ្នាំ ២០១៨ តារាសម្ដែងស្រីពោរពេញទៅដោយទេពកោសល្យសិល្បៈ Jun Ji Hyun ឫ Sim Cheong បានសម្រាលបុត្រាទី ២របស់ខ្លួនដោយសុវត្ថិភាពហើយ វេលាម៉ោង ៦ល្ងាច (ម៉ោងនៅប្រទេសកូរ៉េ)។ ទាំងម្ដាយ និងទារក គឺសុខសប្បាយធម្មតា។

ដំណឹងរីករាយនេះ ត្រូវអ្នកគាំទ្រទាំងអស់មានក្ដីរំភើបសាទរជាខ្លាំង និងស្វាគមន៍ការមកកាន់ពិភពលោក របស់សមាជិកថ្មីនៃគ្រួសារ Jun Ji Hyun។

តារាស្រីវ័យ ៣៦ឆ្នាំរូបនេះ បានបញ្ចប់ជីវិតនៅលីវ ដោយយបានរៀបការជាមួយអ្នកជំនួញម្នាក់ កាលពីឆ្នាំ ២០១២។ រហូតដល់ឆ្នាំ ២០១៦ នាងក៏ទទួលបានកូនប្រុសដំបូង ជាចំណងដៃអាពាហ៍ពិពាហ៍ ហើយរំលងបាន ២ឆ្នាំ តារារូបនេះ និងស្វាមីក៏មានបុត្រទី ២ទៀត៕

ប្រភព៖ Soompi ប្រែសម្រួល៖ យី សុធារី