៣ស្មើជើងទី១នេះ គ្រូបឹងកេត រកឃើញចំណុចឈ្នះ Lao Toyota នៅជើងទី២បាន
- 2018-01-30 02:35:03
- ចំនួនមតិ 0 | ចំនួនចែករំលែក 0
៣ស្មើជើងទី១នេះ គ្រូបឹងកេត រកឃើញចំណុចឈ្នះ Lao Toyota នៅជើងទី២បាន
ចន្លោះមិនឃើញ
លោក កែវ កុសល គ្រូបង្វឹកក្រុមបឹងកេត មើលឃើញថាចំណុចវិជ្ជមានក្នុងការប្រកួតកាលពីយប់មិញ ហើយរំពឹងថានឹងយកឈ្នះ Lao Toyota បាននៅជើងទី២ ប្រទេសឡាវបាន។
ការប្រកួតជម្រុះ AFC Cup រវាងក្រុមបឹងកេត និង Lao Toyota បានបញ្ចប់ត្រឹមលទ្ធផល ៣-៣ នៅជើងទី១ ខណៈដែលជើងទី២នឹងត្រូវធ្វើឡើងនៅថ្ងៃទី២ខែកុម្ភៈឆ្នាំ២០១៨ខាងមុខនេះ។ លោក កុសល គ្រូបង្វឹកក្រុមបឹងកេត បាននិយាយជើងទី១ស្មើគ្នានេះ មិនមែនជាលទ្ធផលអាក្រក់ពេកទេ ព្រោះនៅមានឱកាសជើងទី២ ហើយប្រកួតយប់មិញនេះក្រុមទាំងមូលក៏រកឃើញចំណុចត្រូវកែប្រែផងដែរ។
ការប្រកួតនៅជើងទី២ លោករំពឹងថានឹងទទួលបានលទ្ធផលល្អជាក់ជាមិនខាន ព្រោះថាលោកនឹងពង្រឹងចំណុចខ្វះខាតនៅតំបន់ការពារ។ មួយវិញទៀត ការលេងប្រយុទ្ធរបស់ក្រុមក៏បានល្អថែមទៀត ដូច្នេះឱ្យតែរៀបប្រព័ន្ធការពារបានល្អ នោះភាគរយឈ្នះត្រូវតែមានដាច់ខាត។ ការលេងដោយបោះបាល់ទៅ Julius គឺបង្កើតឱកាសបានច្រើន ដែលធ្វើឱ្យខ្សែការពារ Lao Toyota ពិបាកចាប់កីឡាករបឹងកេតផ្សេងទៀត និងងាយស្រួលរកគ្រាប់បាល់ផងដែរ។
សម្រាប់ជើងទី២ដែលធ្វើឡើងនៅទីក្រុងវៀងចន្ទន៍ នោះ ក្រុមបឹងកេតនឹងចាកចេញពីកម្ពុជាទៅត្រៀមខ្លួននៅទីនោះនៅថ្ងៃស្អែកនេះ ខណៈដែលការប្រកួតធ្វើឡើងនៅថ្ងៃទី២ខែកុម្ភៈឆ្នាំ២០១៨៕