រឿងរ៉ាវជាក់ច្បាស់មូលហេតុ Neymar មិនឲ្យ Cavani ប៉េបំបែកកំណត់ត្រាក្នុងក្លឹប
- 2018-01-30 02:56:47
- ចំនួនមតិ 0 | ចំនួនចែករំលែក 0
រឿងរ៉ាវជាក់ច្បាស់មូលហេតុ Neymar មិនឲ្យ Cavani ប៉េបំបែកកំណត់ត្រាក្នុងក្លឹប
ចន្លោះមិនឃើញ
ចាប់តាំង Neymar ចូលរួមជាមួយ Paris Saint-Germain កាលពីរដូវក្ដៅពី Barceloan ក្នុងតម្លៃបំបែកកំណត់ត្រា១៩៨លានផោន ហាក់មានរឿងចម្រូងចម្រាសច្រើនជាមួយមិត្តរួមក្រុម Edinson Cavani។
កាលពីខែ កញ្ញា កីឡាករមកពីតំបន់ឡាទីនទាំងពីរប៉ះទង្គិចគ្នាម្ដងហើយ ដណ្ដើមគ្នាទាត់ប៉េណាល់ទី ពេលយកឈ្នះ Lyon ២-០។ បន្ទាប់មកទៀតកាលពីពេលថ្មីៗ គ្រាយកឈ្នះ Dijon ៧-០ Neymar បានរងការរិះគន់យ៉ាងខ្លាំង រឿងមិនព្រមឲ្យ Cavani ទាត់ប៉េណាល់ទី ដើម្បីក្លាយជាអ្នកទាត់បញ្ចូលទីច្រើនជាងគេនៅ PSG។
ដោយសារតែមានមន្ទិលសង្ស័យនិងការរិះគន់ច្រើន ពេលនេះកីឡាករប្រេស៊ីលវ័យ២៥ឆ្នាំ និយាយមកនិយាយពីមូលហេតុហើយ។ Neymar បកស្រាយថា៖ "វាមិនអាចទៅរួចទេដែលខ្ញុំមិនដឹងរឿងបំបែកកំណត់ត្រា។ គ្រូបានជ្រើសរើសខ្ញុំជាសម្រេចបាល់ប៉េណាល់ទី ហើយវាមិនមានបញ្ហាអ្វីនោះទេចំពោះរឿងនេះ។ កីឡាករគ្រប់គ្នាបានដឹង ពីអ្វីកើតឡើងក្នុងបន្ទប់ផ្លាស់សំលៀកបំពាក់គឺ គ្រូបានសម្រេចឲ្យខ្ញុំជាអ្នកទទួលខុសត្រូវប៉េណាល់ទី។ ខ្ញុំធម្មតា និងរីករាយជាមួយមិត្តនិងកីឡាកររួមក្រុម។ ខ្ញុំមកទីនោះដើម្បីសាងប្រវត្តិសាស្ត្រ។
យ៉ាងណាក្ដី ការប្រកួត PSG យកឈ្នះ Montpellier ៤-០កាលពីចុងសប្ដាហ៍ Cavani បានបំបែកកំណត់ត្រាក្លាយជាអ្នកទាត់បញ្ចូលទីរបស់ក្លឹបហើយមាន១៥៧គ្រាប់ លើ Zlatan Ibrahimović មួយគ្រាប់៕