តារាស្រី៧រូបរងពាក្យខ្សឹបខ្សៀវ ស្រលាញ់ស្រីដូចគ្នា

2018-01-30 06:11:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្នេហាគឺរឿងធម្មជាតិ ដែលគ្មានអ្នកណាអាចប្រកែកបានថាខ្លួនមិនមានចិត្តអាណិត ស្រឡាញ់ ទៅលើមនុស្សណាម្នាក់បានឡើយ។ ជាទូទៅស្នេហាត្រូវបានគេចាត់ទុកថាជារឿងកើតឡើងរវាងប្រុស និងស្រី តែការពិតស្នេហានារី និងនារី ឬបុរសនិងបុរសក៏កើតមាននៅលើសាកលលោកយើងនេះ។

កន្លងមក Sabay បានចុះផ្សាយពីបណ្ដាតារាចម្រៀង និងសម្ដែងប្រុសធ្លាប់រងព័ត៌មានអាស្រូវស្រឡាញ់ភេទដូចគ្នា។ តទៅនេះ គឺជាតារាស្រីវិញម្ដង៖

១ ឱក សុគន្ធកញ្ញា៖ ដោយមានទំនោរលើចង្វាក់រាំ Hip Hop និងមិនសូវតុបតែងខ្លួនដូចតារាស្រីដទៃទៀត កាលពីជិត១០មុន ឱក សុគន្ធកញ្ញា ត្រូវបានអ្នកគាំទ្រគិតថានាងជាស្រីស្រឡាញ់ស្រីដូចគ្នា។

ពាក្យខ្សឹបខ្សៀវបានសាបរលាបទៅវិញក្រោយនាងមានព័ត៌មានថាមានទំនាក់ទំនងក្រៅឆាកជាមួយប្អូនប្រុសម្ចាស់ផលិតកម្មផលិតកម្មហង្ស។ ចំពោះពាក្យដែលលេចឮទាំងអស់ សុគន្ធកញ្ញា មិនធ្លាប់អើពើ ឬបកស្រាយអ្វីឡើយ។

២ តាក់ម៉ា៖ តាំងពីលេចមុខដំបូងលើវិថីសិល្បៈ តាក់ម៉ា គឺជាតារាស្រីដែលចេញចម្រៀងនិង MV ច្រើនជាងគេ ទាក់ទងនឹងរឿងស្រឡាញ់ភេទដូចគ្នា។ មិនត្រឹមតែប៉ុណ្ណោះ មានព័ត៌មានមួយចំនួនចេញពីរង្វង់សិល្បៈថា នាងពិតជាស្រឡាញ់ស្រី ហើយថែមទាំងបានទាក់ទងជាមួយអ្នកដឹកនាំស្រីម្នាក់ទៀតផង។

៣ មាន សូនីតា៖ ស្រីស្អាតដែលកំពុងត្រូវប៉ាន់ក្នុងសង្គមសិល្បៈនេះ ក៏ត្រូវបានជាប់សង្ស័យថាស្រឡាញ់ភេទដូចគ្នាដែរ។ ជាក់ស្ដែង កាលពីចុងឆ្នាំ២០១៧ មានសារព័ត៌មាន១បានចុះផ្សាយថា នាងមានគូកំណាន់ជាសេដ្ឋិនីម្ចាស់ហាងពេជ្រ១កន្លែងក្នុងក្រុងភ្នំពេញ និងបានផ្គត់ផ្គង់ជ្រោមជ្រែងនាងឲ្យមានបានដូចសព្វថ្ងៃ។

ជុំវិញបញ្ហានេះ សូនីតា បានចេញមុខបកស្រាយថាខ្លួនមិនបានទទួលការជ្រោមជ្រែងពីអ្នកណាឡើយ គឺនាងប្រឹងប្រែងរកចំណូលដោយខ្លួនឯងសុទ្ធសាធដើម្បីបើកហាង និងទៅទេសចរណ៍ក្រៅប្រទេស។ ត្បិតនាងជាតារាល្បី និងជាតំណាងផលិតផល និងអង្គការជាច្រើន ជាម្ចាស់សហគមន៍ និងផ្ទះស្រឡាញ់ ដូច្នេះនាងមានចំណូលច្រើនដូចបានឃើញស្រាប់។

ក្រៅពីបញ្ហាខាងលើ រាជិនីស្នាមញញឹម ត្រូវបានអ្នកក្នុងរង្វង់សិល្បៈខ្សឹបខ្សៀវហូរហែទៀតថា សព្វថ្ងៃនាងកំពុងទាក់ទងជាមួយនារីម្នាក់ដែលជាអ្នកផលិតកម្មវិធីទូរទស្សន៍។

៤ ញឹម ច័ន្ទថន៖ ស្រីស្អាតដែលមានសមត្ថភាពច្រៀង សម្ដែង និងឌីជេ ត្រូវបានមហាជនដាក់សង្ស័យថាស្រឡាញ់ស្រីភេទ ត្បិតនាងមានវ័យច្រើនហើយ តែមិនដែលមានព័ត៌មានស្នេហាជាមួយបុរសណាសោះ។ ផ្ទុយទៅវិញតារាស្រីរូបនេះរងព័ត៌មានខ្សឹបខ្សៀវឥតដាច់ ថានាងស្រឡាញ់ស្រីៗប៉ុណ្ណោះ ដោយលើកភស្តុតាងថា នាងតែមានសកម្មភាព និងរូបថតស្និទ្ធស្នាលស្អិតល្មួតជាមួយតារាស្រីជាច្រើន។

ពាក់ព័ន្ធក្ដីសង្ស័យនេះ ធ្លាប់ត្រូវបានសាមីខ្លួនបកស្រាយថា មិនមែនជាការពិត ហើយរឿងនាងមិនធ្លាប់ទាក់ទងជាមួយបុរសភេទ មកពីនាងមិនទាន់ត្រូវចិត្ត។

៥ ស៊ឹម ថៃណា៖ មួយរយៈចុងក្រោយ នៃការវិលមកសិល្បៈវិញ តារាចម្រៀងស្រី និងជាអតីតពិធីការិនី រូបនេះត្រូវបានអ្នកគាំទ្រ ក៏ដូចជាអ្នកសិល្បៈយល់ថានាងប្ដូរមកស្រឡាញ់ស្រី ក្រោយឃើញនាងប្ដូរស្ទីលសក់ ការតុបតែងខ្លួន និងមានចម្រៀងពីការស្រឡាញ់ភេទដូចគ្នា។

៦ តេង លក្ខិណា៖ តារាស្រីសាច់សដូចបណ្ដូលចេកដែលទើបសម្រេចបោះបង់វិស័យចម្រៀង រងរឿងអាស្រូវថា នាងបានទាក់ទងជាមួយម្ចាស់ផលិតកម្មស្រីម្នាក់ក្នុងអំឡុងពេលធ្វើជាតារាចម្រៀង តែចាងហ្វាងផលិតកម្មនោះប្រច័ណ្ឌខ្លាំង មិនចង់ឲ្យរបេះពីដៃ ទើបឃាំងឃាត់ មិនឲ្យនាងលេចមុខលើវិស័យសិល្បៈ។ ក្រោយមកមានដំណឹងថាអ្នកទាំងបានបែកគ្នាវិញដោយមិនច្បាស់ពីមូលហេតុ។

៧ បេនីយ៉ាំង៖ ស្រីស្អាតកំពូលសិចស៊ីដែលប្រកាសឈប់ពីសិល្បៈក្រោយមានគូកំណាន់នេះ ត្រូវបានមិត្តថ្នាក់វិទ្យាល័យទម្លាយប្រាប់ Sabay ថា កាលនៅរៀននាងធ្លាប់មានសង្សារជា Tomboy តែពេលនេះនាងជានារីពេញលក្ខណៈ និងរកឃើញគូស្នេហ៍ជាបុរសហើយ៕