Beckham ប្រកាសបង្កើតក្លឹបបាល់ទាត់ថ្មីភ្លាម Messi បង្ហើបចង់លេងនៅទីនោះ

2018-01-31 07:29:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីដំណឹងប្រកាសបង្កើតក្លឹបថ្មីនៅអាមេរិក Lionel Messi បានផ្ញើសារអបអរដល់ David Beckham និងបង្ហើបថា គេអាចនឹងទៅលេងនៅទីនោះនៅថ្ងៃណាមួយ។

ក្លឹបបាល់ទាត់ដែល Beckham គ្រោងបង្កើតមានទីតាំងក្នុងទីក្រុង Miami រដ្ឋ Florida ហើយនេះការជាការពង្រីកក្លឹបបន្ថែមទៀតដែរក្នុងលីគបាល់ទាត់កំពូលអាមេរិកហៅថា Major League Soccer។ សម្រាប់ឈ្មោះក្លឹបអតីតកីឡាករ Real Madrid មិនទាន់រកឈ្មោះឃើញទេ តែនឹងប្រកាសជាក្លឹបផ្លូវការនៅឆ្នាំ២០២០។

ក្រោយព័ត៌មាននេះផ្សព្វផ្សាយ មានមិត្តភ័ក្ដិជាច្រើនបានផ្ញើសារអបអរទៅអតីតជម្រើសជាតិអង់គ្លេស ក្នុងនោះក៏មាន Messi ផងដែរ។ លើសពីក្ដីជូនពរ កីឡាករអាហ្សង់ទីន ក៏បាននិយាយពីអនាគតខ្លួនថា នៅប៉ុន្មានឆ្នាំខាងមុខ Beckham គួរផ្ដល់ឱកាសឲ្យគេទៅលេងនៅទីនោះ។

ក្នុងវីដេអូសារ Messi និយាយថា៖ "ដំបូងសូមចូលរួមអបអរ។ ខ្ញុំជូនពរអ្នកជោគជ័យក្នុងគម្រោងថ្មី នេះគឺជាតំណែងថ្មីសម្រាប់អ្នក។ នរណាទៅដឹង ប្រហែលប៉ុន្មានឆ្នាំទៅមុខទៀតអ្នកអាចហៅខ្ញុំទៅលេងបាន"៕

ប្រភព៖ Dailymail ប្រែសម្រួល៖ ហេង សុធារិទ្ធិ