Pogba និង Mourinho មានរឿងអីជាមួយគ្នាក្នុងប្រកួតយប់មិញ? (មានវីដេអូ)
- 2018-02-01 13:31:15
- ចំនួនមតិ 0 | ចំនួនចែករំលែក 0
Pogba និង Mourinho មានរឿងអីជាមួយគ្នាក្នុងប្រកួតយប់មិញ? (មានវីដេអូ)
ចន្លោះមិនឃើញ
អ្នកចាត់ការក្លឹប Manchester United លោក Jose Mourinhoនិងខ្សែបម្រើ Paul Pogba ត្រូវបានប្រទះឃើញថា បានឈ្លោះប្រកែកគ្នាក្នុងប្រកួតយប់មិញ មុនពេលលោកអ្នកចាត់ការរូបនេះបានដូរកីឡាករបារាំងចេញនៅនាទី ៦៣។
Paul Pogba ត្រូវបានលោក Mourinho ដូរចេញនៅនាទី ៦៣ ដោយជំនួសចូលវិញដោយខ្សែបម្រើ Marouane Fellaini។ ទោះជាយ៉ាងណា មុនពេលដូរ កីឡាករសញ្ជាតិបារាំង និងអ្នកចាត់ការព័រទុយហ្គាល់ត្រូវបានប្រទះឃើញថា បានជជែកគ្នាហាក់ក្នុងសភាពតានតឹងមែនទែន។ លោក Mourinho បាននិយាយក្នុងទឹកមុខមិនសប្បាយចិត្ត លើកដៃចុះឡើង ចង្អុលទៅទីលានប្រកួត ខណៈ Pogba ហាក់បញ្ចេញឥរិយាបថប្រកែក ដោយយកដៃដាក់ពីលើមាត់ និយាយខ្សឹបៗទៅលោក Mourinho។ ក្រោយចប់សន្ទនានេះរួចមក លោក Mourinho បានដូរ Pogba ចេញ។
Pogba doesn’t want to listen to Mourinho’s instructions?
— Man Utd Universe (@ManUtdUniverse) January 31, 2018
Ok, off you come son. #mufc pic.twitter.com/a0hDLLCOEz
បើទោះជាបែបនេះក្ដី នៅពេលចប់ការប្រកួត លោក Mourinho មិនបាននិយាយច្រើនឡើយពីហេតុការណ៍នេះ ដោយលោកគ្រាន់តែថ្លែងថា លោកដូរ Pogba ដើម្បីដាក់ចូល Fellaini។
សូមបញ្ជាក់ផងដែរថា បិសាចក្រហម បានចាញ់ Tottenham Hotspur ក្នុងលទ្ធផល ២ ទល់នឹង ០ ក្នុងប្រកួតយប់មិញ៕