ល្ងាចនេះ បឹងកេត ឬ Lao Toyota ជាអ្នកទឹកភ្នែក?

2018-02-02 02:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបឹងកេត នឹងត្រូវប៉ះជាមួយក្រុម Lao Toyota ជើងទី២ក្នុងវគ្គជម្រុះពានរង្វាន់ AFC Cup វេលាម៉ោង៦ល្ងាចនេះ នៅខាងទឹកដីប្រទេសឡាវ ក្រោយស្មើគ្នា ៣ទល់នឹង៣ កាលលេងនៅកម្ពុជា។

ក្រុមទាំងសងខាងសុទ្ធតែមានជំនឿចិត្តធ្វើបានសម្រេចដូចគ្នាក្នុងការប្រកួតល្ងាចនេះ។ តួយ៉ាងដូចជាខាង Lao Toyota ធ្លាប់បាននិយាយថាប្រកួតជើងទី២នេះ ក្រុមខ្លួនមានប្រៀបជាងព្រោះលេងក្នុងដី ខណៈដែលការស្មើគ្នាជើងទី១ក៏មិនមែនជារឿងអាក្រក់ដែរ។ លោក Jun Fukuda គ្រូបង្វឹកនៃក្លិប Lao Toyota និយាយកូនក្រុមមានទំនុកចិត្តខ្ពស់សម្រាប់ការប្រកួតល្ងាចនេះ។

ដោយឡែកសម្រាប់លោក កែវ កុសល វិញ ក៏បានបញ្ជាក់ថាកូនក្រុមត្រៀមខ្លួនរួចរាល់ហើយដែរ បើទោះបីជាប្រកួតជើងទី២នេះ អាចនឹងតានតឹងជាងជើងទី១ក៏ដោយ។ បឹងកេតមានកីឡាករ២នាក់ដែលមិនអាចចូលលេងនៅប្រកួតល្ងាចនេះបានគឺ ខ្សែការពារខាងឆ្វេង សេត រ៉ូហ្ស៊ីប រងរបួសនិងកីឡាករ Paul Omogba មានបញ្ហាលិខិតឆ្លងដែន។

ដូច្នេះចាំមើលការប្រកួតល្ងាចនេះទាំងអស់គ្នា ថាតើក្រុមណាទទួលបានជ័យជម្នះឡើងទៅវគ្គបន្ដបាន?

អត្ថបទ៖ មុន្នីរម្យ