អីចឹងផង! ហាត់ប្រាណដោយច្រៀង អាចជួយគ្រប់គ្រងការគេងស្រមុក
- 2018-02-04 02:36:36
- ចំនួនមតិ 0 | ចំនួនចែករំលែក 0
អីចឹងផង! ហាត់ប្រាណដោយច្រៀង អាចជួយគ្រប់គ្រងការគេងស្រមុក
ចន្លោះមិនឃើញ
យោងទៅតាមសេចក្ដីរាយការណ៍របស់សារព័ត៌មាន Mail Online បានឲ្យដឹងថា តើការច្រៀងអាចបញ្ឈប់ការគេងស្រមុកដែរទេ? គ្រូពេទ្យនិយាយថា ការហាត់ទៅលើបំពង់សំឡេងអាចជាគន្លឹះ ដើម្បីទទួលបានការគេងពេលយប់ដ៏សុខស្រួល។ រឿងនេះធ្វើឡើងក្រោយពីការសិក្សាមួយបានរកឃើញថា អ្នកដែលចូលរួមកម្មវិធីហាត់ច្រៀងរាល់ថ្ងៃ ឃើញថាមានការធូរស្រាលច្រើនទៅលើការគេងស្រមុករបស់ពួកគេ។
ដំណឹងនេះ គឺផ្អែកទៅលើការសិក្សាមួយដែលមានការប្រៀបធៀបឥទ្ធិពលនៃការហាត់ច្រៀងរាល់ថ្ងៃជាមួយនឹងការមិនបានច្រៀងចំពោះមនុស្ស ១២៧នាក់ដែលមានប្រវត្តិគេងស្រមុក ឬគេងបាត់ដង្ហើមតិចតួចទៅកម្រិតមធ្យម។ ការគេងបាត់ដង្ហើមនឹងមិនធ្វើឲ្យអ្នកជំងឺគេងបានលក់ស្រួលទេ ហើយក៏អាចនឹងងងុយគេងច្រើនខ្លាំងនៅពេលថ្ងៃដែរ។
ការសិក្សាបានរកឃើញថា អ្នកដែលហាត់ច្រៀងរយៈពេល ៣ខែ បានឲ្យដឹងថា មិនសូវមានការងងុយគេងនៅពេលថ្ងៃទេ ហើយក៏មិនគេងស្រមុកញឹកញាប់ដូចអ្នកដែលមិនបានហាត់ច្រៀងដែរ។ ប៉ុន្តែលទ្ធផលនៃការសិក្សានេះមានដែនកំណត់ច្រើនដោយសារតែចំនួនអ្នកចូលរួមសិក្សាមានការថយចុះ។ ក្នុងចំណោមអ្នកហាត់ច្រៀង មាន ៤០ភាគរយត្រូវបានមិនបានបំពេញការវាយតម្លៃចុងក្រោយទេ ហើយមាន ១៤ភាគរយឈប់ទទួលយកការសិក្សានេះ។ ដូច្នេះវាពិតជាជៈឥទ្ធិពលខ្លាំងទៅលើលទ្ធផលនៃការសិក្សា។
សរុបសេចក្ដីមក លទ្ធផលទាំងនេះបង្ហាញនូវអំណះអំណាងជាបឋមមួយដែលនិយាយថា ការហាត់ច្រៀងទៀងទាត់ប្រហែលជាមានប្រយោជន៍ចំពោះអ្នកដែលគេងស្រមុក ឬមានការគេងបាត់ដង្ហើមតិចតួចទៅមធ្យម។ ឥទ្ធិពលនៃការច្រៀងចំពោះការដកដង្ហើមនៅពេលយប់អាចជារឿងល្អមួយដែលត្រូវសិក្សាបន្តទៀតដែលមានទ្រង់ទ្រាយធំជាងនេះ៕
ចុចអាន៖