ការវះកាត់ប្រដាប់ភេទបុរសឲ្យ ស កំពុងពេញនិយមនៅថៃ តែប្រឈមនឹងគ្រោះថ្នាក់
- 2018-02-04 07:05:50
- ចំនួនមតិ 0 | ចំនួនចែករំលែក 0
ការវះកាត់ប្រដាប់ភេទបុរសឲ្យ ស កំពុងពេញនិយមនៅថៃ តែប្រឈមនឹងគ្រោះថ្នាក់
ចន្លោះមិនឃើញ
ក្រុមវេជ្ជបណ្ឌិតនៅលោកខាងលិច ក្នុងសប្ដាហ៍នេះ បានធ្វើការព្រមានចំពោះហានិភ័យនៃការវះកាត់ប្រដាប់ភេទបុរស ដើម្បីឲ្យ ស ដែលកំពុងពេញនិយមនៅប្រទេសថៃ។
ការវះកាត់ត្រូវបានប្រើប្រាស់កាំរស្មីឡាស៊ែរ ទឹកអាស៊ីត ឬ សារធាតុដែលអាចធ្វើឲ្យរលាក ស្នាម ឬក៏ធ្វើឲ្យតំបន់ឯកជននេះកាន់តែខ្មៅជាងមុនថែមទៀត។ នេះបើតាមការអះអាងរបស់អ្នកជំនាញ។
លោក Massimiliano Brambilla វេជ្ជបណ្ឌិតផ្នែកវះកាត់កែសម្ផស្ស នៅទីក្រុង Milan ប្រទេសអ៊ីតាលី បាននិយាយថា បុរសទាំងឡាយមិនគួរធ្វើការវះកាត់ប្រដាប់ភេទឡើយ។ លោកបន្តថា សារធាតុដែលធ្វើឲ្យស នោះ បញ្ចេញឥទ្ធិពលខ្លាំង។
ដើមខែកុម្ភៈនេះ គ្លីនិកមួយនៅក្រុងបាងកក បានអះអាងថា ខ្លួនបានវះកាត់ឲ្យបុរស ១០០នាក់ ដើម្បីធ្វើឲ្យប្រដាប់ភេទស បន្ទាប់ពីចាប់ផ្ដើមទទួលការវះកាត់នេះបានយៈពេល ៦ខែ។ ការវះកាត់ចំពោះមនុស្សម្នាក់ ត្រូវចំណាយ ៦៥០ដុល្លារ។
យោងតាមអង្គការអន្តរជាតិផ្នែកវះកាត់កែសម្ផស្ស បានឲ្យដឹងថា ថៃ ជាប្រទេសដែលមានអ្នកវះកាត់កែសម្ផស្សលំដាប់ទី ២១ នៅលើពិភពលោក ក្នុងឆ្នាំ២០១៦។ ក្នុងនោះ ការវះកាត់ប្រដាប់ភេទនារី កើនឡើងខ្ពស់ជាងគេ រហូតដល់ ៤៥% បើធៀបនឹងឆ្នាំ២០១៥៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
