បុរសសង្ហា៣រូប ទម្លាយមូលហេតុថតរូបសិចស៊ីមិនញញើត

2018-02-05 23:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ឈុន នៈរៈភក្តី លោកអេដ វីន និង ហង្ស អច្ឆរិយា សុទ្ធតែជាបុរសដែលធ្លាប់បានបង្ហាញដងខ្លួនដ៏សង្ហាបង្អួតមហាជន។ តើក្រុមប្រុសស្អាតនេះមានគំនិតបែបណាទើបហ៊ានថតបែបនេះ? ១. ឈុន នៈរៈភក្តី

តារាម៉ូដដែលរូបសង្ហាម្នាក់នេះ បានប្រាប់ពីគំនិតផ្ទាល់ខ្លួនចំពោះការថតរូបស្រៀវសាច់ ថា នេះគ្រាន់តែជាការផ្លាស់ប្ដូរស្ទីលផ្ទាល់ខ្លួនរបស់លោកប៉ុណ្ណោះ។ លោកក៏មានបំណងចង់ក្លាយជាតារាប្រុសសិចស៊ីមា្នក់ក្នុងប្រទេសផងដែរ។« ថ្ងៃក្រោយអាចបាន ខ្ញុំប្រហែលជាចង់ធ្វើ ជាតារាប្រុសសិចស៊ីម្នាក់នេះគ្រាន់ជាការគិតរបស់ខ្ញុំទេ រាល់ថ្ងៃខ្ញុំខំហាត់ប្រាណ ឲ្យខ្លាំងដើម្បីកុំឲ្យចាញ់តារាបរទេស ថាតារាខ្មែរយើងក៏មិនអន់ដែរ គ្រាន់ថាពេលនេះខ្ញុំត្រូវថែរក្សារាងស្អាតពេលថតទៅល្អជាមុនៗ»។

២. ហង្ស អច្ឆរិយា

តារាសម្ដែងប្រុសដែលជាប់ឈ្មោះជាបុរសសិចស៊ីម្នាក់ដែលធ្លាប់ថតរូបបង្ហាញរូបរាងស្ទើរមិនមានកន្លែងបិទបាំង និងធ្លាប់រងពាក្យរិះគន់មួយចំនួនពីមហាជនបានប្រាប់ថា ការថតរូបភាពរបស់លោកគឺគោរពតាមអាជីពជាអ្នកសម្ដែង ហើយលោកគ្មានបំណងបង្ហាញរូបអាសអាភាសអ្វីឡើយ។ «ព្រោះខ្ញុំជាអ្នកសម្ដែងហើយនេះជាអាជីព នៅពេលឈរពីមុខ Camara យើងមិនអាចខ្មាសអៀនទេ ហើយនេះជាសិល្បៈនៃការថតរូប ហើយរូបភាពទាំងនោះមើលទៅដូចជាគំនូរ»។

៣. អែត វីន

កន្លងមកតួអង្គឯកប្រុសក្នុងខ្សែភាពយន្តភាគរឿង "មន្តស្នេហ៍ក្រមុំបាយឆា" បានប្រាប់ថា ឈានជើងចូលសិល្បៈមុនដំបូងតាមរយៈក្រុមហ៊ុន Sun Super Model ។ ក្រោយពីចូលក្រុមម៉ូដែលភ្លាម ប្រធានផ្នែកនៅទីនោះរកវិធីសាស្ត្រប្រូម៉ូតរូបលោកដោយយករូបថតសិចស៊ីជាច្រើនសន្លឹកទៅបង្ហោះនៅលើទំព័រហ្វេសប៊ុក ហើយនេះគ្រាន់តែជាសិល្បៈប៉ុណ្ណោះ។ លោកក៏ធ្លាប់ទៅសម្ដែងនៅក្រៅប្រទេស បន្ទាប់ពីមានឱកាសបានចេញទៅប្រកួតនៅលើឆាកអន្តរជាតិរួចមក ពេលត្រលប់មកកម្ពុជាវិញបានធ្វើឲ្យបណ្ដាផលិតកម្មមួយចំនួនទាក់ទង អែត វីន ឲ្យថតខ្សែភាពយន្តភាគ និងខ្នាតធំជាបន្តបន្ទាប់រហូតមានកេរ្តិ៍បោះសំឡេងនៅលើវិថីសិល្បៈនាពេលបច្ចុប្បន្ននេះផងដែរ៕

អត្ថបទៈ ស្រីអូន