Mourinho ប្រកាសច្បាស់ៗ តបនឹងចចាមអារ៉ាមទិញខ្សែប្រយុទ្ធនារដូវក្ដៅខាងមុខ
- 2018-02-05 13:10:05
- ចំនួនមតិ 0 | ចំនួនចែករំលែក 0
Mourinho ប្រកាសច្បាស់ៗ តបនឹងចចាមអារ៉ាមទិញខ្សែប្រយុទ្ធនារដូវក្ដៅខាងមុខ
ចន្លោះមិនឃើញ
អ្នកចាត់ការក្លឹប Manchester United លោក Jose Mourinho ក្នុងថ្ងៃនេះបាននិយាយថា លោកនឹងមិនទិញខ្សែប្រយុទ្ធទៀតទេ ក្នុងទីផ្សារដោះដូរខែក្ដៅខាងមុខ។
អ្នកចាត់ការសញ្ជាតិព័រទុយហ្គាល់បាននិយាយថា៖ "គោលដៅរបស់យើង គឺចង់មានខ្សែប្រយុទ្ធច្រើន ហើយឥឡូវគឺយើងបានសម្រេចគោលដៅហ្នឹងហើយ។ យើងមាន Alexis Sanchez, Romelu Lukaku, Antony Martial និង Marcus Rashford។ Sanchez និង Rashford អាចលេងបានទាំងស្លាបឆ្វេង និងស្លាបស្ដាំ"។
លោក Mourinho បន្ត៖ "ក្នុងសភាពបែបនេះ ខ្ញុំមិនចង់បានកីឡាករប្រយុទ្ធនោះទេ ក្នុងទីផ្សារដោះដូរខាងមុខ។ ខ្ញុំសប្បាយចិត្តនឹងកីឡាករប្រយុទ្ធដែលខ្ញុំមាននាពេលបច្ចុប្បន្ន"។
កន្លងមក មានពាក្យចចាមអារ៉ាមជាច្រើន ដែលថា លោក Mourinho ចង់បានខ្សែប្រយុទ្ធ Antoine Griezmann ឬ Paulo Dybala នៅក្នុងទីផ្សារដោះដូរខែក្ដៅខាងមុខ ដើម្បីមកពង្រឹងប្រព័ន្ធប្រយុទ្ធរបស់ក្លឹប Manchester United។ ទោះជាយ៉ាងណា ពាក្យនេះរលាយបាត់ទៅវិញ ក្រោយពីក្លឹប ទើបតែបាននាំចូលខ្សែប្រយុទ្ធស៊ីលី Alexis Sanchez ពីក្លឹប Arsenal កាលពីខែមុន៕