Porsche ជះលុយច្រើនសម្បើម ស្រាវជ្រាវបច្ចេកវិទ្យាឡានអគ្គិសនី
- 2018-02-06 03:02:15
- ចំនួនមតិ 0 | ចំនួនចែករំលែក 0
Porsche ជះលុយច្រើនសម្បើម ស្រាវជ្រាវបច្ចេកវិទ្យាឡានអគ្គិសនី
ចន្លោះមិនឃើញ
ការិយាល័យកណ្ដាលរបស់ Porsche ទើបប្រកាសថាពួកគេនឹងបង្កើនការចំណាយដល់ទៅប្រមាណ ៧,៤ ប៊ីលានដុល្លារ លើការស្រាវជ្រាវបច្ចេកវិទ្យារថយន្តដំណើរការដោយថាមពលអគ្គិសនី និងបច្ចេកវិទ្យាជួយឲ្យរថយន្តកាន់តែទំនើបនាឆ្នាំ ២០២២។
ការចំណាយប្រមាណ ៧,៤ ប៊ីលានដុល្លាររបស់ Porsche គឺអាចហៅថាជាការបណ្ដាក់ទុនធំជាងពេលធម្មតាទ្វេដងក្នុងការស្រាវជ្រាវបច្ចេកវិទ្យារថយន្តពាក់កណ្ដាលអគ្គិសនី **(Plug-in Hybrid)** និងដំណើរការដោយថាមពលអគ្គិសនីទាំងស្រុង **(EV)** របស់ក្រុមហ៊ុន។
ទន្ទឹមការបង្កើនទំហំវិនិយោគដើម្បីផលិតបច្ចេកវិទ្យារថយន្តអគ្គិសនីនេះ Porsche Mission E ដែលផលិតតាមលំនាំរាងគំរូចេញកាលពីឆ្នាំ ២០១៥ នឹងក្លាយជាម៉ូដែលទីមួយដំណើរការដោយថាមពលអគ្គិសនីទាំងស្រុង (EV) របស់ក្រុមហ៊ុនឡានមានមូលដ្ឋានធំនៅប្រទេសអាល្លឺម៉ង់មួយនេះដើម្បីវាយលុកទីផ្សារ។
Porsche Mission E ក៏ត្រូវក្រុមហ៊ុនបង្ហើបឲ្យដឹងថាអាចជាន់ស្ទុះពី ០ ដល់ ១០០ គីឡូម៉ែត្រក្នុងមួយម៉ោងដោយចំណាយពេលត្រឹម ៣,៥ វិនាទី ហើយពេលសាកភ្លើងពេញម្ដងអាចបើកបរបានក្នុងរយៈចម្ងាយ ៥០០ គីឡូម៉ែត្រ ។ មិនទាន់បង្ហាញពីពេលចេញលក់ម៉ូដែល Mission E ប៉ុន្តែ Porsche បង្ហាញថានឹងចេញឲ្យរត់សាកល្បងលើផ្លូវសាធារណៈក្នុងឆ្នាំ ២០១៩៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទបន្ទាប់