ក្ដៅៗ! Sanchez ត្រូវបានតុលាការកាត់ទោសឲ្យជាប់ឃុំហើយពេលនេះ

2018-02-07 12:03:42
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមសារព័ត៌មាន Metro ចុះផ្សាយអម្បាញ់មិញ ខ្សែប្រយុទ្ធ Alexis Sanchez ត្រូវបានតុលាការអេស្ប៉ាញកាត់ទោសឲ្យជាប់ពន្ធនាគាររយៈពេល ១៦ខែ ពីបទគេចពន្ធដែលមានទំហំទឹកប្រាក់សរុបជាង ១លានអឺរ៉ូ (ប្រហែល ១,២៤លានដុល្លារសហរដ្ឋអាមេរិក)។

កាលពីខែមុន កីឡាករស៊ីលី បានសារភាពថាខ្លួនពិតជាបានប្រព្រឹត្តដូចតុលាការអេស្ប៉ាញរកឃើញមែន ក្នុងការគេចក្នុងការបំពេញកាតព្វកិច្ចបង់ពន្ធសរុប ៩៨៣ ៤៤៣ អឺរ៉ូ ក្នុងអំឡុងពេលលេងឲ្យក្លឹបអ្នកមានបុណ្យ Barcelona (២០១១-២០១៤)។

ក្នុងថ្ងៃនេះ តុលាការបានសម្រេចកាត់ទោស Sanchez ឲ្យជាប់ពន្ធនាគាររយៈពេល ១៦ខែ និងបង់ពន្ធដែលខ្លួនបានគេចវេះ រួមផ្សំជាមួយការប្រាក់នៃលុយពន្ធនោះ។ ទោះជាយ៉ាងណា ដោយសារតុលាការសម្រេចព្យួរទោស នេះមានន័យថា Sanchez នឹងមិនចំណាយពេលក្នុងពន្ធនាគារឡើយ។

សូមបញ្ជាក់ផងដែរថា នេះមិនមែនជាលើកទី១ ទេ ដែលតុលាការអេស្ប៉ាញសម្រេចកាត់ទោសកីឡាករបាល់ទាត់ល្បីៗពីបទគេចពន្ធ។ កាលពីឆ្នាំ ២០១៦ Lionel Messi (២១ខែ) និង Javier Mascherano (១ឆ្នាំ) សុទ្ធតែត្រូវបានតុលាការកាត់ទោសជាប់ពន្ធនាគារពីបទមួយនេះ និងពិន័យជាប្រាក់រាប់សែនអឺរ៉ូ។ ទោះជាយ៉ាងណា ដូចករណី Sanchez ដែរ ទោសជាប់ពន្ធនាគាររបស់កីឡាករទាំងពីរសុទ្ធតែត្រូវបានតុលាការសម្រេចព្យួរ៕