ថ្ងៃនេះ Mbappe ចេញមុខ និយាយពីទម្រង់លេងពេលបច្ចុប្បន្នរបស់ Cristiano Ronaldo

2018-02-07 13:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈជំនួប Champions League រវាង Real Madrid និង PSG កាន់តែកៀកជិតចូលមកដល់ ខ្សែប្រយុទ្ធវ័យក្មេង Kylian Mbappe ក្នុងថ្ងៃនេះ បានបង្ហាញពីចំណាប់អារម្មណ៍ផ្ទាល់ខ្លួន ទាក់ទងនឹងទម្រង់លេងនាពេលបច្ចុប្បន្នរបស់ខ្សែប្រយុទ្ធ Cristiano Ronaldo ។

ពេលសួរដោយអ្នកកាសែតថា ខ្លួនយល់យ៉ាងណាទាក់ទិននឹងទម្រង់លេងរបស់ Ronaldo កីឡាករបារាំងបានតបវិញថា៖ "ចំពោះខ្ញុំ Ronaldo អត់មានធ្លាក់ទម្រង់លេងទេ។ បើសិនជាគេលេងធ្លាក់ជើងមែន កីឡាករផ្សេងៗជាច្រើនទៀតសុទ្ធតែកំពុងធ្លាក់ជើងហើយអ៊ីចឹង"។

Mbappe បន្ត៖ "គេគឺជាកីឡាករដ៏ល្អ ប៉ុន្តែខ្ញុំសង្ឃឹមថា គេនឹងមិនបង្ហាញទម្រង់លេងកំពូលរបស់គេ ពេលលេងប៉ះជាមួយយើងចុះ។ ពួកយើងនឹងខំយកចិត្តទុកដាក់ ត្រៀមខ្លួនសម្រាប់ជំនួបមួយនេះ ដោយរៀនសូត្រពីភាពខ្លាំងរបស់ Real Madrid ហើយ Ronaldo ជាកម្លាំងមួយដ៏សំខាន់សម្រាប់ក្លឹបមួយហ្នឹង"។

សូមបញ្ជាក់ផងដែរថា ខ្សែប្រយុទ្ធ Cristiano Ronaldo ទើបតែស៊ុតចូលទី បាន ៨គ្រាប់ប៉ុណ្ណោះ ក្នុងលីគកំពូលអេស្ប៉ាញ នារដូវកាលនេះ។

Real Madrid នឹងបើកទ្វារស្វាគមន៍ PSG ក្នុងជំនួបជើងទី ១ Champions League នៅថ្ងៃទី ១៤ កុម្ភៈ ខាងមុខ៕

ប្រភព៖ Metro ប្រែសម្រួល៖ ហ៊ីម រស្មី