ព្រឹកនេះកូរ៉េខាងជើង ធ្វើព្យុហយាត្រាលើកទី៧០
- 2018-02-08 02:23:48
- ចំនួនមតិ 0 | ចំនួនចែករំលែក 0
ព្រឹកនេះកូរ៉េខាងជើង ធ្វើព្យុហយាត្រាលើកទី៧០
ចន្លោះមិនឃើញ
កូរ៉េខាងជើង បានកំណត់យកថ្ងៃព្រហស្បតិ៍ ទី ៨ ខែកុម្ភៈ នេះ ដើម្បីធ្វើព្យុហយាត្រាលើកទី ៧០ មួយថ្ងៃមុនព្រឹត្តិការណ៍កីឡាអូឡាំពិករដូវរងា នៅកូរ៉េខាងត្បូង។
ក្បួនដង្ហែកងទ័ពប្រចាំឆ្នាំរបស់ក្រុងព្យុងយ៉ាង តែងតែត្រូវគេធ្វើឡើងក្នុងខែមេសា អស់រយៈពេល ៤០ ឆ្នាំមកហើយ។ ទោះជាយ៉ាងណា ប្រព័ន្ធផ្សព្វផ្សាយរបស់ប្រទេសផ្ដាច់ការនេះ បានប្រកាសកាលពីដើមឆ្នាំនេះថា កាលបរិច្ឆេទត្រូវបានផ្លាស់ប្ដូរ ទៅថ្ងៃព្រហស្បតិ៍ ទី ៨ ខែកុម្ភៈ នេះវិញ។
ជាមួយគ្នានេះដែរ ប្រទេសកូរ៉េខាងជើងបានច្រានចោលការរិះគន់ ចំពោះផែនការរបស់ខ្លួន ដោយលើកឡើងថា គ្មាននរណាម្នាក់មានសិទ្ធិដោះស្រាយបញ្ហានេះទេ។
បើតាមកាសែត Roders Sinmun បានឲ្យដឹងថា «វាជាទម្លាប់ និងមូលដ្ឋានធម្មតា ដែលប្រទេសណាមួយនៅលើពិភពលោក ចាត់ទុកយោធារបស់ខ្លួនសំខាន់ខ្លាំងបំផុត ហើយប្រារព្ធពិធីជាមួយនឹងព្រឹត្តិការណ៍ដ៏គួរឲ្យភ្ញាក់ផ្អើល»។
គួរបញ្ជាក់ថា ការដង្ហែក្បួនមីស៊ីលនេះត្រូវបានគេរំពឹងថានឹងមាន មីស៊ីលអន្តរទ្វីបរយៈចម្ងាយឆ្ងាយ Hwasong-15 ដែលកូរ៉េខាងជើងបានធ្វើតេស្តលើកដំបូង កាលពីចុងខែវិច្ឆិកា។
មន្ត្រីរដ្ឋាភិបាលកូរ៉េខាងត្បូងបាននិយាយថា កងទ័ពចំនួន ១៣ ០០០ នាក់ និងគ្រឿងបរិក្ខារ ២០០ គ្រឿង ត្រូវបានគេប្រទះឃើញនៅជិតព្រលានយន្តហោះមួយ នៅក្រុងព្យុងយ៉ាង ដែលមើលទៅហាក់បីដូចជាការហាត់សម៕
ចុចអាន៖