តោះ! មកដឹងកីឡាករគុនខ្មែរ២រូប ធ្លាប់ប្រកួតតាំងតែជាមួយបង រហូតដល់ប្អូនរបស់ដៃគូទៀត

2018-02-08 06:34:47
ចំនួនមតិ 0 | ចំនួនចែករំលែក 0

ចន្លោះមិនឃើញ

រំលឹកទៅអតីតកាលបន្តិចអំពីអ្នកប្រដាល់គុនខ្មែរ២រូប ដែលមានប្រវត្តិប្រកួតយូរឆ្នាំមកហើយ និងធ្លាប់ប៉ះគ្នាជាច្រើនដង ខណៈមកដល់ពេលនេះនៅតែអាចបន្តអាជីពនេះបានដដែល ប៉ុន្តែអ្វីដែលប្លែកបន្តិចនោះ គឺប្រកួតជាមួយប្អូនរបស់ដៃគូពីមុននោះទៅវិញ។ ខាងក្រោមនេះជាកីឡាករទាំងពីររូបនេះ។

សូត្រ ប៊ុនធី៖

អ្នកប្រដាល់លេងកម្ពស់រូបនេះប្រកួតយូរគួរសម បើរំលឹកទៅឡើងសង្វៀនតាំងពីជំនាន់ CTN មកម្ល៉េះ គេធ្លាប់ប្រកួតជាមួយកីឡាករ ឡៅ ចន្រ្ទា កម្មវិធីមិត្តភាពធម្មតាក៏មាន កម្មវិធីខ្សែក្រវាត់ក៏មានផងដែរ។ អ្នកលេងកែងរូបនេះ មិនត្រឹមតែធ្លាប់ប៉ះ ឡៅ ចន្រ្ទា នោះទេ ប៉ុន្មានខែមុននេះគឺប្រកួតជាមួយ ឡៅ ចត្រា ទៀតផង ប៉ុន្តែចាញ់នាកម្មវិធីផ្ដាច់ព្រ័ត្រជើងឯកជាតិ ឆ្នាំ២០១៧ នៅ 7NG បានមេដាយប្រាក់។

កីឡាករ ឡៅ ចិត្រា ពេលឈ្នះ សូត្រ ប៊ុនធី

ឡុង សុភី៖

ខ្លាចាស់រូបនេះមិនធម្មតាឡើយ មានប្រវត្តិប្រកួតយូរឆ្នាំមកហើយ និងធ្វើឲ្យកក្រើកគ្រប់សង្វៀននៅកម្ពុជា ឥលូវនេះក៏កំពុងធ្វើឲ្យកីឡាករបរទេស រអានិងស្នៀតប្រយុទ្ធដ៏ល្អ ផ្ដួលដៃគូឲ្យសន្លប់មួយរយៈពេលចុងក្រោយនេះ។ សុភី ជាអ្នកប្រដាល់ម្នាក់ដែលធ្លាប់ប៉ះជាមួយ ឡៅ ស៊ីណាត ពីមុនមកអាចថាគូរជក់ចិត្តផងដែរកន្លងមក ហើយនៅតែអាចបន្តអាជីពនេះបានដដែលដល់សព្វថ្ងៃ។ ចំណែក ឡៅ ស៊ីណាត មិនអាចបន្តអាជីពនេះបានហើយក្លាយជាគ្រូបង្វឹក និងជាអាជ្ញាកណ្ដាល ចៅក្រមទៅហើយ។ ឥលូវនេះ ឡុង សុភី បានបន្តដំណើរមកដល់ជំនាន់សិស្សប្អូន ឡៅ ស៊ីណាត ទៀតហើយគឺ ឡៅ ចន្រ្ទា។ អ្នកទាំងពីរប៉ះគ្នានៅកម្មវិធីជើងឯកជាតិ ឆ្នាំ២០១៧ ដោយពេលនោះ ឡៅ ចន្រ្ទា យកឈ្នះដោយពិន្ទុ ឡុង សុភី ឡើងទៅវគ្គផ្ដាច់ព្រ័ត្រតែម្ដង។