កីឡាករ២រូបនឹងប្រជែងពាន Ballon d'Or បន្ទាប់ពី Messi និង Ronaldo ចូលនិវត្តន៍
- 2018-02-09 02:52:47
- ចំនួនមតិ 0 | ចំនួនចែករំលែក 0
កីឡាករ២រូបនឹងប្រជែងពាន Ballon d'Or បន្ទាប់ពី Messi និង Ronaldo ចូលនិវត្តន៍
ចន្លោះមិនឃើញ
អតីតវីរបុរសក្លឹប Barcelona កីឡាករ Xavi បានក្លាយជាកីឡាករចុងក្រោយចូលខ្លួនមកវែកញែក លើបេក្ខភាពដែលអាចក្លាយជាកីឡាករល្អជាងគេលើលោកនាពេលអនាគត។
រយៈពេល១០ឆ្នាំចុងក្រោយ Lionel Messi និង Cristiano Ronaldo បានចែកពាន Ballon d'Or ម្នាក់ពាក់កណ្ដាលបាត់ទៅហើយ ខណៈ Xavi ក៏ធ្លាប់ប្រជែងបាន៣ឆ្នាំដែរ តែបានលេខ៣រហូត។ ស្របពេលទាំង Messi និង Ronaldo វ័យកាន់តែទៅមុខនិងត្រៀមចូលនិវត្តន៍ អតីតជម្រើសជាតិអេស្ប៉ាញយល់ថា Neymar និង Kylian Mbappe អាចស្នងតំណែងប្រជែងពាន Ballon d'Or ជំនួសកំពូលកីឡាករទាំងពីរខាងលើ។
Xavi ដែលបច្ចុប្បន្នកំពុងលេងនៅកាតាជាមួយក្រុម Al Sadd បានប្រាប់សារព័ត៌មានបារាំងអំពី Neymar ថា៖ "ខ្ញុំមានការគោរពខ្លាំងចំពោះគេ (Neymar) គេគឺជាកីឡាករបាល់ទាត់ដ៏អស្ចារ្យ។ ពេលដែល Messi និង Cristiano ធ្លាក់កម្រិតលេង គេនឹងក្លាយជាម្ចាស់ពាន Ballon d'Or។ នៅពេល Messi និង Cristiano ចូលនិវត្តន៍ ការពិភាក្សានិងប្រជែងពានកីឡាករល្អជាងគេលើលោក នឹងធ្លាក់លើ Neymar និង Mbappe”៕