ស្ងាត់ៗ Hazard ដាក់មួយម៉ាត់នេះ ប្រហារចិត្ត Chelsea មិនតិចទេ
- 2018-02-09 12:58:00
- ចំនួនមតិ 0 | ចំនួនចែករំលែក 0
ស្ងាត់ៗ Hazard ដាក់មួយម៉ាត់នេះ ប្រហារចិត្ត Chelsea មិនតិចទេ
ចន្លោះមិនឃើញ
ខ្សែប្រយុទ្ធបែលហ្សិក Eden Hazard ក្នុងថ្ងៃនេះ បានសារភាពថា អ្វីក៏អាចកើតឡើងបានដែរ ក្នុងពិភពបាល់ទាត់។ នេះជាការចម្លើយរបស់កីឡាករ Chelsea ពេលសួរទាក់ទងនឹងក្លឹប Real Madrid។
ក្នុងបទសម្ភាសន៍ជាមួយសារព័ត៌មាន Marca ពេលសួរថាខ្លួនអាចនឹងទៅចូលរួម Real Madrid ឬទេ ខ្សែប្រយុទ្ធ Hazard បានថ្លែងថា៖ "ក្នុងពិភពបាល់ទាត់ អ្នកឯងមិនដឹងទេថានឹងមានកើតឡើងនោះ។ អ្វីៗក៏អាចកើតឡើងបានដែរ"។
ទោះជាឆ្លើយបែបនេះក្ដី កីឡាករបែលហ្សិកក៏បាននិយាយផងដែរថា៖ "ឥឡូវខ្ញុំកំពុងសប្បាយចិត្តជាមួយ Chelsea។ ខ្ញុំកំពុងផ្ដោតអារម្មណ៍ធ្វើយ៉ាងណា ដើម្បីជួយក្រុមរបស់ខ្ញុំ"។
ការថ្លែងរបស់ Hazard នៅពេលនេះហាក់ជាបច្ច័យមិនល្អឡើយសម្រាប់ Chelsea។ ក្នុងរដូវកាលនេះ ជាពិសេសចាប់តាំងពីចូលឆ្នាំថ្មី ២០១៨ មក ទម្រង់លេងរបស់ក្លឹបហាក់ធ្លាក់ចុះ ដោយក្លឹបស្គាល់ភាពចាញ់ និងស្មើជាច្រើនប្រកួត។
រហូតមកទល់ពេលនេះ ខ្សែប្រយុទ្ធ Hazard មិនទាន់ចុះកុងត្រាថ្មីជាមួយ Chelsea ឡើយ។ កុងត្រាបច្ចុប្បន្នរបស់កីឡាកររូបនេះជាមួយក្លឹបមានសុពលភាពត្រឹមឆ្នាំ ២០២០។
បើតាមសម្ដីឪពុករបស់កីឡាកររូបនេះ កាលចុងឆ្នាំមុន បាននិយាយថា កូនខ្លួននឹងមិនចុះឡើយនូវកុងត្រាថ្មីជាមួយ Chelsea ដើម្បីបើកផ្លូវទៅចូលរួម Real Madrid។ ទោះជាយ៉ាងណា កាលពីចុងខែមករា កីឡាករ Hazard បាននិយាយថា ឪពុកខ្លួននិយាយផ្ដេសផ្ដាសទាក់ទងនឹងការផ្ទេរនេះ ប៉ុន្តែខ្សែប្រយុទ្ធបែលហ្សិក មិនបានថ្លែងបញ្ជាក់អំពីចំហច្បាស់លាស់ឡើយទាក់ទងនឹងអនាគតខ្លួននៅ Chelsea។
Hazard កន្លងមក មិនដែលលាក់លៀមពីការកោតសរសើរខ្លួនចំពោះអ្នកចាត់ការ Real Madrid លោក Zinedine Zidane។ កីឡាកររូបនេះ ហៅអ្នកចាត់ការបារាំងថា ជានិមិត្តរូបរបស់ខ្លួន ហើយធ្លាប់ទាំងព្រលយទៀតថា វាគឺជាសុបិនមួយដែលបានលេងក្រោមការដឹកនាំរបស់លោក។
ចំណែកលោក Zidane ក៏មានទស្សនៈវិជ្ជមានចំពោះកីឡាករបែលហ្សិកដែរ។ កាលពីឆ្នាំ ២០១៥ លោកបានថ្លែងថា បន្ទាប់ពី Ronaldo និងMessi គឺ Hazard នេះហើយដែលជាកីឡាករដែលលោកចូលចិត្តបំផុត៕