មើលគ្រាប់បាល់ដំបូង Coutinho នៅ LFC និង FCB ស្រដៀងគ្នារឿងមួយ

2018-02-09 13:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចូលរួមជាមួយក្លឹប Barcelona ជាផ្លូវការកាលពីខែមុន ខ្សែបម្រើប្រយុទ្ធ Philippe Coutinho បានរកគ្រាប់ដំបូងរបស់ខ្លួនឲ្យក្លឹប ក្នុងការប្រកួតកម្មវិធី Copa Del Ray ប៉ះជាមួយ Valencia យប់មិញ។ អ្វីដែលគួរឲ្យចាប់អារម្មណ៍នោះ គឺត្រង់ថា គ្រាប់ដែលកីឡាករប្រេស៊ីលស៊ុតគឺបញ្ជូនដោយខ្សែប្រយុទ្ធ Luis Suarez ដែលក៏បានធ្វើដូច្នេះដែរ ពេល Coutinho រកគ្រាប់ដំបូងខ្លួនឲ្យ Liverpool កាលពីពេលជិត ៥ឆ្នាំមុន។

កាលពីថ្ងៃទី ១៧ កុម្ភៈ ឆ្នាំ ២០១៣ ក្នុងប្រកួតប៉ះជាមួយ Swansea ខ្សែបម្រើប្រយុទ្ធ Coutinho ដែលទើបតែផ្ទេរពីក្លឹប Inter Milan កាលពីខែមករាឆ្នាំនោះ បានធ្វើបានសម្រេចនូវគ្រាប់បាល់ដំបូងរបស់ខ្លួនឲ្យក្លឹបហង្សក្រហម Liverpool ដែលបញ្ជូនដោយខ្សែប្រយុទ្ធ Luis Suarez។

ជិត៥ ឆ្នាំក្រោយមក កីឡាករ Suarez ដដែលដែលបានបញ្ជូនបាល់ឲ្យ Coutinho ក្នុងការស៊ុតបានសម្រេចនូវគ្រាប់បាល់ទីមួយរបស់ខ្លួន ឲ្យក្លឹប Barcelona ដែលជាក្លឹបដែលកីឡាករប្រេស៊ីលទើបតែចូលរួមកាលពីខែមុន។

Suarez បានលេងឲ្យ Liverpool ជិត ៤ឆ្នាំ មុនពេលចាកចេញមកក្លឹប Barcelona នៅឆ្នាំ ២០១៤ ខណៈ Coutinho ទើបមកចូលរួមជាមួយក្លឹបអ្នកមានបុណ្យឆ្នាំនេះ ក្រោយលេងឲ្យក្លឹបហង្សក្រហមជាង ៥ឆ្នាំ៕

គ្រាប់ដំបូង Coutinho នៅក្លឹបហង្សក្រហម