ហេតុផលអ៊ីចឹងតើបាន Sanchez មក Man Utd
- 2018-02-10 08:57:06
- ចំនួនមតិ 0 | ចំនួនចែករំលែក 0
ហេតុផលអ៊ីចឹងតើបាន Sanchez មក Man Utd
ចន្លោះមិនឃើញ
Alexis Sanchez បាននិយាយថា គេចាកចេញពី Arsenal មក Manchester United ព្រោះទីនេះមានឱកាសឈ្នះពានជាងនៅកាំភ្លើងធំ។
អំឡុងពេលទីផ្សារដោះដូរខែមករាបើ Man City ជាក្លឹបគេរំពឹងថានឹងអាចទិញបាន Sanchez ប៉ុន្តែបិសាចក្រហមទៅវិញទេដែលជាអ្នកឆក់បាន ដោយហ៊ានផ្ដល់ប្រាក់ឈ្នួខ្ពស់ បូករួមថែម Henrikh Mkhitaryan ទៅឲ្យ Arsenal ជាថ្នូរទៀតផង។ នៅពេលថ្មីៗនេះកីឡាករសញ្ជាតិឈីលីបានបង្ហើបពីគំនិតដែលខ្លួនផ្លាស់មក Man Utd។
និយាយប្រាប់ Sky Sport កីឡាករវ័យ២៩ឆ្នាំលើកឡើងថា៖ "ខ្ញុំគិតចង់មក Manchester United តាំងពីតូច ហើយខ្ញុំមិនមែនចេះតែនិយាយដោយសារខ្ញុំកំពុងនៅទីនេះទេ។ ខ្ញុំគឺជាមនុស្សស្មោះត្រង់ មិនដែលកុហក។ ខ្ញុំគិតថា វាជាក្លឹបធំជាងនៅអង់គ្លេស។ តែ Arsenal ក៏ជាក្លឹបធំមួយ។ យ៉ាងណាខ្ញុំមកទីនេះ ព្រោះគិតថា នៅ United អាចឈ្នះអ្វីៗគ្រប់យ៉ាង"៕