គ្រូបឹងកេត ដាក់១ឃ្លា មុនប៉ះក្រុមខ្លាំងហ្វីលីពីនស្អែក

2018-02-12 04:10:12
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក កែវ កុសល គ្រូបង្វឹកក្រុមបឹងកេត ថាបានត្រៀមខ្លួនរួចរាល់ហើយសម្រាប់ការប្រកួតជាមួយក្រុម Ceres Negros របស់ក្រុមហ្វីលីពីននាថ្ងៃស្អែកវេលាម៉ោង៧:៣០នាទីល្ងាច ក្នុងវគ្គសន្សំពិន្ទុក្នុងពូល F នៃពានរង្វាន់ AFC Cup 2018។

ក្រុមបឹងកេត

បឹងកេត នឹងត្រូវធ្វើការធ្ងន់នៅថ្ងៃស្អែក ដោយសារតែក្រុម Ceres Negros ជាក្រុមខ្លាំងនៅហ្វីលីពីនមានកីឡាករល្អៗច្រើន។ ទន្ទឹមគ្នានោះដែរ គ្រូបង្វឹកកេតក៏មិនទាន់អស់សង្ឃឹមឡើយ បើទោះជាលេងនៅក្រៅដីក៏ដោយ។ "យើងដឹងថាម្ចាស់ផ្ទះខ្លាំង ប៉ុន្តែយើងនឹងព្យាយាមលេងឱ្យអស់ពីសមត្ថភាព។ លទ្ធផលមិនសំខាន់នោះទេ ប៉ុន្តែអ្វីដែលសំខាន់នោះគឺត្រូវលេងឱ្យអស់ និងល្អបំផុត”។

ក្រុម Ceres Negros

បឹងកេតបានឈានដល់វគ្គសន្សំពិន្ទុនេះ ក្រោយពីពួកគេបានយកឈ្នះលើក្រុម Lao Toyota ក្នុងវគ្គជម្រុះបឋម។ ដោយក្នុងពូលនេះ ក្រុមជើងឯកលីគកំពូលកម្ពុជាស្ថិតក្នុងពូល F ជាមួយក្រុមខ្លាំងៗជាច្រើនទៀតដូចជាក្រុម Ceres–Negros របស់ហ្វីលីពីន Home United របស់សិង្ហបុរី និងក្រុម Shan United របស់មីយ៉ាន់ម៉ា៕

អត្ថបទ៖ មុន្នីរម្យ